Hunphun eina Humpum Rai kasā

Hunphun eina Humpum Rai kasā


Wunglengnao akha Wungpei hoda, Humpumwui Luirali kongsāng ngachālaga rashā aphanga.  Kongsāng chi yangmer haoda (ningchāngnā haoda), Humpumnaona phamashaomi laga sathathaowa.  Chiwui atamli Humpumwo Siluihuina sāsai.

Humpum yāron, ‘Amei ithumna Wungpeiwui kongsāng khui haira’.

Siluihui, ‘Khi sāra khala, khui kharailu’

Wungpeili shaothathaoda, Hunphunnao rai sākhavai, ‘kapā yangsada’ yanga.  Kala kapā chi phāhaoda rai sai.  Humpum pāshi yāmhaowa, kala āramwui shim saikora thot mihaowa, aramwui tarungla tatek miserhaowa.

Rai ngapharla kachi eina Siluihuili Tashar phungtā haowa. Siluihuili phungkatāwui kakhalatta sār kha sārhao, maning akha kazā sādaleilapai.

Kharar Lāpho eina Khano Laa:

O! Ngapum (Humpum) luira sāra, Hungyo (Wungpeili kahāngna) khi phākharālo,

Hungyona khi phākharā, Wungpeileng chā khungshatta.

Wungpeileng chā khungshatta, khuishi makhuishi chilo,

Khisā makhui ralo, khuishi  kachi Imeihui (Siluihui), Imeihui khuishi chiya;

Wung khamathing (thangmada zeilaga kahāng) shokrāli;

Wung khamathing shokrā, Avā zingmeiyali phungyāmma.

O! Phungyāmma Tashār ngalei chapngachai,

Tashār ngaleili chap ngachai nawui tarung ungyanglo;

Nawui tarung ungyang, zānglina (akha akhaona kala āhā marar lāka) rei kachupa. (zānglina khareithāda yortekmi serhaira)

 

Note: siluihui is the son of Zingmeiya

 

Glossary :

Rashā ākhangaphang: Khor zam amanga

 

Contributed by: Tsivyo Kasom

Narrated by: Zingthan Zingkhai & Shaivi Kasomwoshi

 

Comments

  1. Greetings from California! I’m bored at work so I decided to browse your site on my iphone during lunch break. I really like the info you present here and can’t wait to take a look when I get home. I’m amazed at how quick your blog loaded on my cell phone .. I’m not even using WIFI, just 3G .. Anyways, awesome blog!

  2. This is a topic close to my heart cheers, where are your contact details though?

Leave a Reply

Your email address will not be published.