Wonrā

Wonrā Honrei-honrā suihaoda, khakrei-Khakrā peida ngasuilaga mahon kasangwuivang wonrā kahonada khararnao kaikhana hānga.  Hi kachikathāna mathirang lakha naongarāli kala shimkhurli āwui khanaowa sākhangai ningkachāng sāda, āpam hili Iwui wonrā semmiloda kapo thārān ā thikahaiwui thili horzakta sāmisai.  Wonrā kasāli keiring hiyākha sanglu kachila mathirang lakha hāngmarān miya.  Chithāda sāda wonrā kasāli sāshai kaje siluiva-siluivā mashing khanili masuitāla taithatsangda shimshang kala …

Mi Kathi Kachifa

Mi Kathi Kachifa Tangkhul Awo-Ayi thot eina thuilaga zat kharā custom athishurda mi-akha thihai khareoda shimkhur theisā kala khongnainaona khalumra eina ravai kharikrik mihaowa. Ravaimi kupkhareoda bed mathālak eina kachon kadharva hammida masan mihailaga kāchipethaida kachon kadhardhar khamathāthā fasangmida chipethaiya.  Mayarnao akha pāsi ngakham (pāsili sifa makāmana) mihai kala kazei bed-kuili shunmihaiya kala shanao akha kongsāng ngakhumtā mihaiya. Chiwui thili …

Shimlui Khayarwui Ayin

Shimlui Khayarwui Ayin (Customary Law of Inheritance) Introduction:  Shimlui khayarwui ayinli (customary law of inheritance) shimyar luiyar, wungpam kachikā, mingpho kakhui, shimshangwui khararpam kakhui, akhavaiva khangasā, pāngpum kasā kala Khayaiwo khangasābing hi kashi eina azingli kapili.  Shimlui khayar hili shimyar luiyar kasā kala wungpam, khararpam khami zanga kala ngaraichai.  Kala pamla shimluila samphang kharān masamphang kharān ayin akha eina zatta. …

Wonrā kasā

Wonrā kasā Onrā kasā hi khararnao awo ngarāwui ming mathi ngasakngaimada kasāna.  Onrā kasāli ngalei hili sālu kaji apam mangavāmana.  Shimkhurna ningkachāng apamli sāmaya.  Onrā sākada ngalei kapoli mamishārmana (makhami masāpaimana), sāpaichupa.  Onrā tungli lingkahai thing chila ngalei akhavāwui maningmana, kha onrā kasāpāwuina.  Onrā hi khamarān (ngashān khavaipam) kala khamahopamli kasāna. Kathili achifatli (phumchifa kasāli) sei silui maphungvā akha onrā …

Hao Shim

Shimsak Awo ayiwui thotli shim kasā hi miwui aming zatkhavaila sāya.  Langsa ngaroklaga shim hakkhamei khangahanla ngavāya.  Kha hi kashāng khareinaobingna kasāna.  Hao shimsakli khangachā eina kā(room) kathum leiya.  Khareli Yāngkhup (or Yāmkhup) hoi, hili hok, sei (buffalo) haikhavai sai kala mā lungkhavaila sai; kakhaneli pikhavai kala hangzā khavai sāya; kala kakathumali pong kathāthā lungkhavai (to store), ot phāri khavai sāya …

Marān Kasā

Marān Kasā Haowui shimpān luivātli Marān kasā hi sakmeikapa.  Marān kasāli achon amei, philā wungnao makhailala, Kashāngnaobing maningakha marān hi masārarmana.  Kha(village) kaikhana marān kasāli ngalung shimensanga, kha kaikhana tarung khuisanga.  Khani hiili kachichā ramwui ningchāngkhamei chi sai, kala akhalila akhalila marān kasāda hothathuiya.  Chili lāngmeida Long Marān kala Lui Marān kasādala leiya. Marān sākhuikahai thārān, Kharei khangam pam tungli …

Shakazā

Shakazā Mayara eina Ngalāva tāzang ngarokta ngakum khavai khamachuk chithārān tuingashit kasāli ava avā, shangnao ramnao zanglaga sai.  Rimeikapta mayarawui ava avāli hānglaga ngalava chili mayāda phāra chiakha kharara shi preivali, akhavaivali maningakha prenao akhali ngalā hāngsan chihovai.  Laga mayāakha rida kapā yanga, kapā phāakha neira manga.  Ngalā hāngsan khanili, mayarashi eina ngalāva shili nāshāt sāmiya.  Neira khamang hi khareli …

Rakasa

Rakasa Shanao eina mayarnao leishingarokta khangakum hili rakasa hoya.  Hiwui lungli ngakum kapai ngakum kashār leiya.  Apongbing chi kasha eina majuksa. Muilā khangakum:  Kha khangatei, shang khangatei kala athei asā makakā mayar ngalā khangakum hili muilā khangakum hya.  Hikathā rakasa hi mayai.  Kala apāwui nao ngalāva, azarvawui nao mayarana ngakum paiya.  Hili muilā kachangkhat hoya, kala pam, anivapam da hoi.  …