Yāngkhei Yāngkhei hiya kapā (kahā/bamboo) eina sākakhui akhong akhana. Achālakha yāngkheili shanvai chonvai sangkhavai sai. Kala aman kasaksak ot saikora hili phāriya (kazipa). Phanitli ngavaiki kachi haorā-chāngkhom, kala luirim kathā hili kazipsera. Kalikhada shimramei ja-akha (shim chuiakha) yāngkhei phunglaga yāma. Ithumna ot hiwui shikachinli khayang chithārān aruihonwui almirah kathāna. Yāngkheiwui azak chitheili. Glossary: Shimramei ja-akha: Shimchui akha kachina. Ithumna tui …
‘Nashi shimwui shiwoka sum khangahei thāre’ chiya. Tui hi kathāda rāhaokhala chilaga; Sumkok hi ritnāhaoda, shimli ngazonungakha mi teodana mangavamana. Kala ngashiktiktik ngavahaoda mathāda mangavapaimana, mathākpai mangaironpaimana. Hili sum khangahei hoya. Chiwuivāng eina shiwok kachungli sum khangahei thāya kachina. Sumkok hiya āchālakha awo ayina thing eina sākakhui pikhavai bed akhana. Aruihona thing kateoteo ngashiklaga bed semma kha awo ayina shichinkasā …
Saotāngthei Saotāngthei hi thing eina sākakhui pamkhongna. Hi avawui pamkhavaina. Awo Ayiwui atamli saotāngthei hi aman saklākkahai kala mathālākkahai shinshivai (household use) akhasāda khuisāya. Kalikha shim chuisālala saotāngthei hi ngazon shokrithuiya chiwui thili shimwui khomphei khomphāng ngazonshoknaowa. Hina aman kasaka shimwui ot akhana kachi chitheiya. Kaikhana, ‘Akhama irahāli (inao mayarawui apreivali) rāpamngasakra’ da saklāk eina paipungli phumlaga phārihaiya. Mi kachungkhana …
