Chāncham

Athan-ram vākārkā phik haowa Athan kachi hiya gahara kachina, kala vākārkāphik haora kachi hiya gahara sakida khaleiwui ram chili phei vānai kasang eina phasāli kakhanang kakazā saikora kharai samphang haora kachina  
Chinri phungda/Chin phung Chinkakā otsak kasā. Mina ningkakachai  
 Chaoli konggui khangaror Khamahai.  Ot akha samkaphang tungli khangatei samphanglui kachi.  
Chaohā Katha ( Deer-like fur) Chaoha katha kachi chāncham hina malung makazanga bing, ngachee kazarabing kala tuishot tuirei kashok atamli manganing kathuka kala mangasung khararbingli kahangna  
 Fana paila harna Khangayā Ot kasā makhamatha, sātarot kahai. Nawui pāngyit zakshināya, fana pailaga harna khangayā thāya.  
 Fana sāchao shirui kashong rikha kakahao Masamphangki kachi Kahao phāphā kachi  
Faphei makachui thāda Ningchangna kahai, sangaina kahai.  Khikha masakapai, khikha phaning sang khavai makhalei.  
 Fa khanali pai kakā thāda Saikorana chinkakā mi. Saikorana ningkakachai  
 Hangkhāna nasha maonpaimana Sākharek, phākharekbingli kahāngna  
 Hangkhāna kashui anganam manganam kapaithāda Masāmanei chilaga sāzatkasā  
 Haisinā haikha hai singa Manganainālu kachina  
 Hampai kaila fana manuya Shimkhur akhon kashok eina khongnainao, yangashe bingna khamahai sāthui kahai.  
 Hanna Anui shaiphameiya, tuiya arar phameiya Khanuithot bingliya theikahaiya khararnao bingna mashungmeiya  
 Hangkornāli tara heikharor thāda Hivāk hāng chivāk shokhao, hāngmachinlala makhuisangai kachili hangkornāli tara heikharor thāya chiya.  
 Hokna muila, fana ina sāya kachi Mi akhana jotlāk eina ot sālaga khangatei akhana maikhayā kakhui.  
 Hokpai makān khare Rarkhameibing.  Khararnaobingna theimeiya, sayangkahaina  
Irihā paizālu-shi thāhaora Zārānlakha makazā.  Hangkorpai zālu kachi eina mazā mareida hānghao ichi.  Naoda, mi piserhaira kachi eina paikor thuikapeo shaihao ichi.  
Kathi ashilaga khanghui āsangkahai thahaorakho Mi akhali ot kasohailaga aruirui mawung kachi eina kateili vāyang khavai kasovā laga chila aruirui makhaung.  
Kazui kazeida Khamatui Mahanglaksa ghai laga, kazui kazeida matui kazat.  Mahangsa chihai laga ngathumda matui kazat.  
Kaopona kaopo tung, Hongāna hongā tung Kaopo hiya khikha masakapaiyana.  Hongā hiya Shon semkhavaiyana.  Khamathāmina khamathā shoka.  Shimkhurchi phā akha naongarā phāya  
Khamathā sāshi jila favā onkahai Mathāngasak lākrada sakchangda sālaga zakshikhamei samphang kahai  
Khana kagapum thāda Khi kahāng khala mashākhui ngasakla kapum kaseo kaji  
Konglat ngayei thāda Huikhanong laga thākta ot masākathei  
Lami meitui nai kakhui Ningchangna kahai, sangaina kahai.  Khikha masakapai, khikha phaning sang khavai makhalei.  
Larar naovai thahaorakho Ot kasolala ngachang mengtok eina masala pamkahai
Longthuikahai tara mahangunglui mana Khamathā ot samphanglaga masākhuimada shivāmnā kahai
Marem Razaiana (vanao) Rakhong Kakhon Makazang katha Kazingkānguda, saikorana rakhong khonusada khangahot eina Marem Razaia (vanao) māng  mazang thumana. Chieina ali mamangngasakthuwa.  Vānao chi kazing kangda maro tākha mangkhavai masam phangmada kazingramli chuilāk eina yongkālaga hithāda khonga, ‘zingrotra! zingrotra!’
Marem tāsi chila Chamvana kakapak Apam-apai maphākhuila matuikakham, sheikakhaut
Miyumzang mi Yuma, thingyum zang thing Yuma, Seiyumzang sei yumma Mi shaothat akha ichashinao thiya, miwui thing li akha ichashiwui thing yuma, miwui sei li akha ichawui sei thiya
Meili singakha ngatora Masingkapai ot masinglu
Nāyong nei kasing thāda Sing kasāk kahai.
Nāyong khamā kaphar thāda kateokha mang sāza laga akhana kachi khalada phar akhana rāphar kachi eina khamā hakkhangai haklaga thihao ichi.  Kateowa otli matui phāphā kachi eina hakngasak kahai
Nāyong pheipāng lāka Khangarik, Kasaikha mapam katheila sākhai kazat  
Nayongna Hong kakhāng thāhaira Kachi kathā akhali ngachon kida kasāli khalatta mankhui Kahai.  Hong = trap/khalen
Ngalei kakaili tara heikasang Hangrala makankhanā. Manglala machirkachi. Heiwun unglala mazā kachang
Ningaishita matheimila naovai Ei ei, chinā kahai wui makaphā
Phohei Shāra (Pho of Phohei sounds like Phokapha) Ngazek kazazak hailaga masāluimarada tuingashit kaikahai, hātmi kahai chili Phohei kasāda hoya.
Paungna mashuithei kahon Honlala makakhui. Sāngnā ngarai kahai.
Paoyinaona tinphā kāngyui kahaili khamana Maram maleila khamana
Paoyi rakhan Shai thāda Matheila theiya kachi.  Paoyiwui phaolāk eina leikasa Langchin phanitli rakhan chungna shaihaida, kathei sālaga hāngkhangai kahāng
Rarāli har kachiphun kathā Mashitsang kapaiya mili kachiham, rarāna har shaimi kahai thāya.
Ritle chikha ngalung khāngsang, (chamle chikha siluinao thi) Kajot atamli jotkhamei samkaphang.
Sapheilali Ramshilana hangkhamachin Makhangatuna akhali makhangatuna akhana hāngkhamachin. (e.g. Zam khamanga akhali zam khamanga akhana hangkamachin).
Shim ngathing shim yorza, Lui ngathing lui yorza Mashakzā ranglakha khangashit (engagement) kasā atamli, naomayarali shim-lui yarra. Kha naochina (or ngalāva shina) kārāmda shim hila yarlo, lui chila yarloda poakha, naoda shim-lui kashimān samphanga, yorzā haowada shitsangsāya.
Siluili fana kasha thāda Hanglala nāteng kahai, matheikhami thāda kasā
Tui-naopai kathang Akha phasang akha phasangda Hanglui hanglui laga sanglak eina \khamatui
Tungtung kān-kānda Tuipongli mangazekla khangatei akha hangai, hangai kachi.  Mina hāngda khalei manganàla àwui hàng khangài hàngsang kapam
Thingreirana pāshārali ngarei shāra  Khalāknao (kashāngnao) eina makhaleinao (kachāmnao) mangakum ngarokpaimana kachina
Yaohui Khangakhuma Sākharekbing, phākharekbingli kahāngna
Zātrom makaphungana apar shimeiya Khikhala makashoka china, otkasāli makazanga china, phāshak phāzā usa kachi tharān, heithei ngayarusa kachi thārān chungmeida kakhui.
Zingsānla thāda, shangkai ramkai nawui eina shoksera Lāngpār (thunder)li Zingsānla (or Zingkānla)na matang atonli kālaga ili tākluda kakasir eina lāngpārna thingli katāk thāda shang-ram kaikhavai reosang khamiya bingli zingsānlali chānsamsai
Please follow and like us:
error0

Leave a Reply