Chumpha Phanit

Chumpha

Chum kazang phanit hi zingkum haokaphokwui phanit kharena.  Hi pareinaobingwui phanitna.  Phanit hili chum khanithang zanga.  Chithālala zimiksho matithang kāshungda mayonna.

Kharethang chumphasā taithata.  Kala tang saikorana kachichā tāngtāngwui rakhong khonsera.  Gaharnaobingna kachā(ichā) pareivawuivang chum numkhavai khaireo avā akha kala ava akhada leipā eina shunglaga khui-ung misera, kala pareinao chithang sora (rakhong khonhailaga kadhara ura kashokwui tara) kateokha asok khuisera.   Kala sora eina zat hangzai.

Phanit hi pareinaobingwui phanitna.  Ngayā khanithang shimli mayarnaobing pishāra(mapipaimana).  Chi eina mayarnao lamli zatkatheia saikora lamli vāpiserhaowa.  Chithang chi, Chum numnei shārada zimik matun ranglakha mayarnao bingwui raisāri, chāngvei kazei, kapā hkt. Kachichāshi kayāngwui shimrāpli shokhaiserhaowa.

Ngayā kahai eina pareinaobingna shim kameoli suihailaga hāt-ung kahai heithei chi ‘zārā meilo, mashimān ngasakmilo, kapong khayāng eina zāsei, ameowo no’ da chum chili khaireo eina chumli numhai kala hoksā eina khor zam khaleklaga phada kathumshiya.  Pareinaobing chithang ngayā mapi lākla kameoli suihaithaiya.

Parei kadhar kharei khangam pareibinga chithang Chumsinsā shaiya.  Chumsinsā kashai hili sei nilala hok nilala taithata.  Shimzārnaobingna (shimkhur, athei asā khangavapa) zam hangsangsera.  Chieina chipāshi chi, chithang chum mazangmana.  Chithang ngayā chi, ashi shangnaobingna sāchi shaipamda ngayā phāshak phāshaithaiya.  Kazing kathang eina sāchi mashaingakān rangsā-akha sāchi zimik mashokrang lakha ngaleili achuiphum serhaowa.   Sāchi chum numnei shārada (longkhamāng kahai, pollute sākahai).

Hithang pareiva kadharwui dham (ngalānao sāda leilakha shungphun kazip khuikahai mā) phungrāya kala shimzārnaoli ungyaozāya.

Kakhanethang chum zangngawora.  Kala chumsinsā kashai parei kadharbing hithang chum zanga.  Chum zangthang eina thuida Anivana awui Saotāngthei jakāhaowa.  Kala akhavaiva ngasāhaowa.  Shimkhur chiwui zathamla preiva china khaihaowa.

Kakathumathang ngathorthāk zimik mashokrang lakha parei kadhar chumsinsā kashaibing chi chum zangngawora.  Naoshinaobing khanā kasabingli aja samiya.  Khanā kasali kashāngnaobinga hok, sei eina saya.  Makhaleinaobinga kashāngnaobingli āsanei khuiya.   Khanā kasa naoshinao saikorana athumwui khanā manui vairanuda mānuizāt (nānuizāt) khongpheikha rip, sā āpher akharipda khanā sakhameli khuivāmisera.  Kala hithang hi chumzangda leilakha sei shimli mahai kapai chi aja homunga.  Kala chithang eina talla khongphok haowa.

Khamatethang nākao sāda shimli pamsera, tinphā hāphā sing shārda lui mavāpaimana.  Kha thinga phungsangpaiya.

 

Glossary:

  1. Āsanei kakhui:  khanā saakha sei, hok taithatlaga sahaoda makhalei naobingna kashāngnaobingshi khanā kasali vāsa kakhui
  2. Chum khanum:  Chumli kapha.  Khanum hi namkasangli kahāngna
  3. Dham: Ngalā sāda leilakha kazipkhui kahai Shungphun.  Hi shinaobingwui savings kathāna.  Shungphun hiya mā hāt-akha luishom luisaoli ngachonmikahai chiwuivang ningkashi sāda mā shungkha (one basket) sangkhami.  Kachikathāpareina dham ungyaozāya.  Kala kachikathāna dham chi yorzā laga samkaphang lupā eina shimluinao mathuisang khuiya.  Hikathā shimlui hiya shimluikatna makhuipaimana.
  4. Numnei kahai:  Longkhamāng kahai, pollute sākahai
  5. Shimzārnao:  (Zār of Shimzārnao sounds lik Zār of Awo Tuizār)Shimkhur, athei asā khangavapa
  6. Sora: (So of sora sounds like mā of māthei māreng).  Rakhon khonlaga ura kadhar kasokwui tara

 

Read also

Saotāngthei

 

Written by Tsivyo Kasom

Writer’s Email: tsivyo@gmail.com (The writer is available, if you have any question or concern)

 

Sources:  Ringphatyan written by S Kanrei

And through narration of Rev. Somi Kasomwoshi

Comments

  1. Hi my family member! I wish to say that this post is awesome, great written and come with approximately all vital infos. I would like to peer more posts like this .

  2. I am extremely impressed with your writing skills as well as with the layout on your blog. Is this a paid theme or did you customize it yourself? Anyway keep up the nice quality writing, it is rare to see a great blog like this one these days..

  3. It’s the best time to make some plans for the future and it is time to be happy. I’ve read this post and if I could I desire to suggest you few interesting things or suggestions. Maybe you could write next articles referring to this article. I desire to read even more things about it!

  4. I just figured out that my computer has this kind of trojan. I was running pretty much all of the Anti-virus things my computer has. The main one says there is nothing there and my Windows defender says I have two trojans so I’m not sure what to do. I’m thinking of buying or building a new one. . Right now I have intel. Im not sure which is best like Dell, Miscrosoft, etc. I need a gaming computer which can also be used as a school work computer. Any ideas?.

  5. As I web-site possessor I believe the content material here is rattling great , appreciate it for your hard work. You should keep it up forever! Good Luck.

Leave a Reply