Faling Arhaishi Phungchi Zangkahai Khararchān

Faling Arhaishi Phungchi Zangkahai Khararchān

Achālakha Somdharli (Awo Chāngkhui Shimrahna pamda khalei ngalei) Faling Ato pāshi pamsai.  Somdharwui eina zangshum laga paipheo kala Lungpeoshan tākhangasun eina tangda Falingnao shongkhārda hosā iji.

Somdharli pamlaga machāpaimada, ‘Eh! tā Ichāram unghaosa mapam pai thura’, da hanunghaowa.  Ichāram unghaosa kachiwui kakhalatta Somdharli aramwui eina hongkharāna.

Hanunglaga phungchi zanghaida or hanrong haida ungthiserhaowa.  Hanrong kahai hiya, rida pamkasā shimphung eina hongthui hailaga hanunglui kachi eina kameona mapam ngasaklui marada makhamayāli kahāngna.  Hithāda awo ayina shitsangsai.

Raguiwoshi Laapho:

Oh! Faling Arhai lāli, aman mami;

(raguiwo/shimrahwona aman mamila seihā eina sui/entice ngashāma)

O! Shimrā hungava seihā vainok ngashāma;

O! Nok ngashāma, faling arhailā kānuwa;

O! Kānhaorava hungnaowo seihā kharei O!

O! Seihā khareina rasi(raguiwo wui pāsi) seichang ngachina;

O! Seichang ngachi, Arhailā chilli paorora (ningchāngser haowa).

 

Longra kashakbingna kasā Laa akhala azingli chitheili

Longra Laa:

Oh! Ungrā riya falingnao;

Homshai sa, homunguro;

Oh! Masāpai, hori horā (ngathān kahai chilli kahāng na).

Glossary

Phungchi zangkahai:  Hanrong kahai/ rida pamkasā shimphung eina hongthui hailaga hanunglui kachi eina kameona mapam ngasaklui marada makhamayāli kahāngna.

 

Written by Tsivyo Kasom

Writer’s Email: tsivyo@gmail.com (The writer is available, if you have any question or concern)

Narrated by Zingthan Zingkhai

Please follow and like us:
error0

Comments

  1. […] Faling Arhaishi Phungchi Zangkahai Khararchān […]

Comments are closed.