Humpum Philā-Wungnaoli khangazāk/khangaphat

Humpum Philā-Wungnaoli khangazāk/khangaphat

(Nale I shāngmei kachi hangtek khangarok)

Atam akhali Humpumwoli aramnao akha, Katuishang hodana ngasung haowa.  Chieina ani shimsak rānsak ngahanusa chihao iji.  Shimsak rānsak khangahan hili shim kala marān kachipāwuina hakmeini khalada khangahanna.

Humpumwo, ‘khikha makhaninga hina ili tui rāhāngtekli’.  Akhalattawui khayā mashimān khavai, shim kasem kala marānsā khavai awui ahang kāngkui, shimlui yormathāhaowa.  Marān sākhavai Lui khamathāthā saikora yorhailala mangachangmada Shimphungla yorhao iji.  Saikora shimānhaoda ningaimālāk eina chāra tālaga chaphaowada laali samphanga.   Awui khararchān Tangkhul katongana ngazekrophao ichi.  Kala chithāda ngazekhaoda ali kapili mangriren suiyada (nightmare leihaowa) laa chili saya.

Khararchān chiwui laa kashi eina azingli kapili.

Humpumwo shiwui Kharar Laa

Kaphaning maungshung shungnirwo (maungshung sānito)

Ningai khamā ichihui yaoyi kānuwa, (Awui lui yorserkahai)

Oh! I chihui yaoyili mangachangda arānga shimphung kaishiji,

Kaishi kajiya wungnaowa chāra horām(tears fall),

Chāra horām aja shongphun sāng khamayāng (ngazek rop kahai)

Sāng khamayāng oh sampā yaola machaowa (Tuihi tangkhul katongali ngazek haoda iwui sampāhi yaolala mangachang mara)

Yaola machaowa, O! khi mangnilo mangrena (mangri ren khangasui thāya.  He had nightmare)

Mangrenda nana heitārala, kānrei kashok wungnao I marān shoksā

Katuishāngna rāyui shiya (awungali khangasungapa chili katuishang hoya)

Katuishāng marāyuishi ralo, vahong kharing haremhan katim sāng meiya;

Katim sāng meiya yārthot thui akha nayar leisāra.

 

 

Contributed by: Tsivyo Kasom

Narrated by: Zingthan Zingkhai & Shaivi Kasomwoshi

Comments

  1. I’ve been surfing online more than three hours today, yet I never found any interesting article like yours. It’s pretty worth enough for me. In my view, if all website owners and bloggers made good content as you did, the net will be much more useful than ever before.

  2. I’ve been absent for a while, but now I remember why I used to love this website. Thanks , I will try and check back more frequently. How frequently you update your website?

Leave a Reply

Your email address will not be published.