Hunphunwo Angayungli sākathatwui khararchān (A consequence of Shongran Rinkahao Shongthot

HunphunKasomnaoKhararchānKhawui KhararchānShangwui Khararchan

Hunphunwo Angayungli sākathatwui khararchān

Shongran Rinkahaowui shongthotwui vang eina Kasomwo Haorei ningmatun ngaikichi haowa.  Chithārān chili Kasom Shongreng pāshina Phalung Vasainao ngalānao akha khui iji.  Chieina hithāda Phalungnaopā chili ngahāna.

Haorei, ‘Imākna Angayungli masāshapra khala?’

Vasainao, ‘Ina sāshapra, kha na khi mira?’

Haorei, ‘Kongsāng mathāmeikap kaji pungkha (akha) mira’

Phalung pāchina Angayungli yunuwa.  Meitei tāhairada shāya.  Angayung Ramvali ungmakān phalungrada phaning haoda, Vasainao eina phāchangnao khanina rimhaowa.  Ramva mashokla āram wonrāli ungngasāmlaga, awui ngaso kazatbingli kashak kazā shokkhui khavai kasoshoka.  Āmāng wonrāli pamhaowa.  Phalungnaopā chili Shongro hoyada Lt. Yartong Raguina hānga.

Ramva kasāra, ‘Eh, Hunphunwo! Na hili pamra?’

Angayung, ‘mah!’

Ramva kasāra, ‘Ina nali Laa akha sāchithei ka’

Laa: ‘Eh! Kachānga shokluiya, zimika shokluiya, aja kazing Angayung mashoklui mara’

(Kachāng eina zimik shokluira kha Angayungna aja thihaorada Laa china kahāngna)

Phāchangnaopā china pāng kārida, anina lungthat haowa.

Angayungna rahei akha phungzatsāda chi khuilaga, ani Ringuili kāpi haow iji.

Angayungwui rahei chi meikharili mākrei sheinar laga sem kakhui rahei niji.  Kala, chilli mayongra sanga, chi eina mathālāk iji.

Anina shimzun kasā pāshina zamkhor mida, chi manglaga mariphaowa.  Chieina anina thum kasā rahei chi khuishok laga ngahom ngaroka.

Ringuipāna ngahāna, ‘Naniwui rahei ngahom phālākli, khi sang khala?’, ‘mathālākli’

Akhama kathā ani hanunghaowa.

Atam kasāngkha khipāna Angayungli lungthat haokhala kaji matheithuwa.  Mithot matakhaowa.  Naoda, Angayungwui raheiji singkasā theihaoda, ngathing kajieina rāthei haowa.  Rākathei ji Kasomwo Naokahaowui atamlina jiya kala Hunphunwo Mishivāmna sāsai.

Mishivām, ‘āchālakha ishawoli nashina lungthat haoiji’

Naokahao, ‘Mah! Kha kathāra’

Mishivām, ‘Mithot thuihaora, ini ma-maset maret luisa, kha mashitlāk eina okthuihaosa’

Hunphunwo bing;

Sārimayā s/o Shaikhap s/o Mishivam s/o Raihao s/o Yomnang s/o Wungchāng

Glossary:

Rahei:  kahā eina sākakhui otna.  Kala chili kaporhamwui tara rahei chili sanglaga ngahom zatta

Written by : Tsivyo Kasom

Email: tsivyo@gmail.com (The writer is available, if you have any question or concern)

Narrated by : Zingthan Zingkhai

Please follow and like us:

One thought on “Hunphunwo Angayungli sākathatwui khararchān (A consequence of Shongran Rinkahao Shongthot

Comments are closed.

error

Enjoy this blog? Please spread the word :)