Hunphun Mangkhap

Hunphun Mangkhap Phanitwui Khamataiya

Hunphun phanitwui ngachaili Mangkhap phanit hi hakmeikap kaji nitrei akhana.  Hunphun ȃrarnaobingwui khararchan athishurda Mangkhap phanit hi thingphung luikhavabingwuivang ringphameikap kaji nitrei akhana. Phanit hi thingphung luikhavanaobingna kumva-kumvȃ zākhavai tharāzāt kala theishirai shomsang/lingsangkup haira kachieina khanan (ot sāda chotkahai) raikhuikhavai ringphālāk eina ngasāmkhuida khamayon nitrei akhana.

Tangkhul khawung ngatateidawui khamayon asak-avāt leisāra. Kha Hunphunwui phanit ngachaili khamataiya kakhalat akhana lui khavānaobingna saosang-shomsang kahai tharȃzȃt hȃtkakhui masamphangla ‘thithui haiakhada kaphaning kala sāsang kahai lui-ot heiwun kazipkakhui masamphangrar akhada’ kaphaningwui khanaowa  nitrei khamayon phanitna.

Nitrei hili ‘KHARINGRA KHARINGZȂT’ ngarum shakzāda ringphā khangarum hina khamataiyana. Ringda leilakha leikashi eina shimkhurbingwui khangarum azak sāda keiring taithat ngarokta zam-khor mangda ringpha ngarum sai.  Mangkhap phanit hili kashāng-kachām kala khalaknao-vāhongnao makhaila phanit marārang lakha khor/zam kheisang kala hangsang ngarokta kāshunglāk eina mayona.

Mangkhap phanit atamli Yorlābingli Luira phanitli āmeiva kala āpā ngarāna sȃkho heih sālaga makapei chi phanit hili heih sāmida kathum (3) shida kāhaira kaji eina Yorlābingna amei/āpā ngarali leishātsāda Luirim/phalāngjing kachon yar sangaroka. Yorlabingli heih kasāli hok phei kala ȃpȃng katatsangmiya.

Awo-ayiwui thot eina thuida aja rashungda Mangkhap phanit hi kum-kumwui luishom-luisao khari-khanao athishurda Awunga kala Hanga Wungnaona atam kaka.

 Mangkhap phanitwui Khare thang zimiksho chili SATHI THANG hoi. Hithang zimiksholi kashāng-kachām makhaila keiring taithat ngaroklaga ngarimda sāleih zangngaroka.

Kakhanethang, mangkhapa. Hithang shimkhurna yaosang kahai ȃthȃ chi wunshimui kalāshāt eina makārmida ngarakzak hātkhui khavai kachichāshiwui luipamli vāda Ameoali vāphaphayāya. Chithang mathārlaga Harkui vāshuna. Kachichāshiwui hanphutpamli mingzaida heiwun ungmeikhavai lui kameoli suihai ngaroka.

Kakathuma zimikshothang ringphāmeithuiya. Hithang shimkhur ringphā ngarumda zamshei vaitei rashak khangarum eina ngasoda shimkhurwui khangarum kala leikashi phongshok ngarokta zingkum naolāma mangarumluini doh! kajiwui kaphaning eina shai-mang ngaruma. Langmeida, khamashit ngasotnaobing phanitli hangsangkahai khor mangzatngaroka.

Khamate thang yārui leingaphaya. Hithang kachichawui khaleilei otbing, shakei kala hanyur khuirā ngarokta khalei-makhalei athishurda ngatha ngarokta leih nganonga.

Atam hitharān thotna khangacheiwui alungli ringphā khamei mirin samphangda mathingphung maluivalāla okthuikhavai āpong khangatei tārākha khuirahaira. Ima Tangkhul kaphunglila lui mavāsangsālala awo-ayiwui phanitna chihaoda athumna mayon kasāthāda mamayonrarlala Mangkhap phanit mayon ngarokserda lei. Achālakhawuithāda khor/zam mahangsangluimana.  Ara Vareshi kharā eina ngasoda Hunphun apam hili Church-na Mangkhap phanitli lȃ khangahan kala Vareshi Camp khuikā ngaroktalei. Hi shomsang/lingsang khamiya Zinghunglengli ningkashi phongshokna.

 

Read also

Mangkhap

Written by Tungsa Ragui (2018)

Glossary:

Heih kasā: Heih kasā kachi hiya yarkasā kala khami kachina.

Comments

  1. It’s really a great and helpful piece of information. I’m glad that you shared this helpful info with us. Please stay us informed like this. Thank you for sharing.

  2. hello!,I like your writing very so much! percentage we keep up a correspondence extra about your article on AOL? I need a specialist in this area to unravel my problem. May be that is you! Having a look forward to see you.

  3. Great goods from you,man. I have keep in mind your stuff prior to and you are
    simply extremely wonderful. I actually like what you’ve bought here, certainly like what
    you are stating and the way inn which wherein you assert it.

    You make it enjoyable and you still care for to stay it sensible.

    I can not wait to read far more from you. This
    is really a great web site.

Leave a Reply

Your email address will not be published.