Kasomwoshi eina Faling Arhaiyashi

Faling ArhaiKasomnaoKhararchānShangwui Khararchan

Kasomwoshi eina Faling Arhaiyashi

Atam chithārān Kasomwoshi Kasomphungli pamsai.  Kala Faling Arhaiyanao hangzākhavai maleimada, Kasomkongwui mā zangmanuruwa.  Ma zangriuwa/zang mazokuwa.  Arhaiyashi eina Kasomwoshi mamashit phalungmaniji.  Mamayā marada raisā kachi eina Arhaiya shi Paoyi, Marem, Maramphung yāmtā haowa kala chili ngalang vāphei uiji.  Tuihi Hunphunwo Awo Rashingna chamnāmi iji.  Kala chiwui vang eina Rashing yaothuirā akha Arhaiyashi ningshinā haida zam mangasāmla khuishokmi iji.  Khararchān hi azingwui laa eina kapi haidalei kala sāchitheili.

Maran Laa

O! Kasomphungli ina soma. Kasomphungle ina somma.  Ishilongwui luirun khayā,

O! Khongtheng kaheirong thāya, O! Khongtheng kahei thālāka.

Faling Arhaiya, O! ari, zangnaikhaiya.

(Faling Arhaiya hi leikai wui aming kala Arhaiyanaona zā khavai maleimada māzangli uwa) 

Oh! Arhai ine yarchammana (kharelila ine yangshi phalunga),

Nawui ngalang kasang O! yaron I marunranga.

Ina kachangrān kha (kachangkhat akha), O! Arhai shimphung kaiwuya.

O! Faling Hungwo hānchok rengwo (ham kaphāwo).

O! nava makok-kai (hamkai/kaopo kai) ham hangzā.

O! nawui ayaonaosan Paoyi māngtāya,

Nawui ayao naosan o! marem-maram (maremlila maramphunglila) theirui changmiya.

O! khikha Hungnao yāmei kapro?  O! Hunphun Hungho Rashingho.

Ashing, iyaorāthang, O! faling Arhai zamsan maviya (zam mangasāmla miya)

Glossary:

Zangkhamanur:  zangkhali, zang khamazok

Written by : Tsivyo Kasom

Email : tsivyo@gmail.com (The writer is available, if you have any question or concern)

Narrated by : Zingthan Zingkhai

Please follow and like us:

Leave a Reply

error

Enjoy this blog? Please spread the word :)