Yarra Laa: Kazing kumhaora

“Atam rāhaira, fathuirānhaira. Khamashung tui hānglu, ungshung shikā maungshung shi khala? Shimpānusa (fathuiusa) manaohai (huirot) paishina”

Yarra Laa (lyrics)

Kazingkumhaora, thingnā mayohaira. 2x

Oh apukapaka kaphungli yanglu; Oh Are awon mateka;

Oh awon matek hikachāng vādhar rārache,

Oh vādhar mashāmana. 2x

Oh vaokhamayāng sampheirok atung kahaiya (sampheirok kakhong. Haolaa kakahaidala shichina);

Oh atung kahai titaren thingpheili khonga;

Oh thingpheili khonga, chi koktui zingkum vāvana;

Oh zingkumvāli chinaolā (achinao/ngalāva) chān hāngshiritlu (khamashung hānglu);

Oh hāngshiritlu ungshung mavāshung chinaolā;

Oh chinaolā khani, 2x

Oh rinthuiusa (shimpānusa/fathuiusa) rashāmthei manaohai rota.

 

Atungli kapikahai Laawui kakhalat mathālāka, kala leishilākkahai laa akhana. Laa hi ningsanglāk eina nganā akha ithumwui awo ayi ngarā poetic sālākkada phaninga. Yarra Laa hiwui kakhalat hithai.

Thingnā mayo-uda kazingkumhaira – atam rāhaira. Kaphungli yangakha awonla matekchim eina wonhaira. Vānao kadharla rāhaira, sampheirok thingtungli khongdalei kala titarenla thingpheili khongdalei. Hina kazing kumhaira, atam rāhaira kachi theidalei.

Koktui sampheirok hi ngalā huikazata mayarana.  Mayara china ngalānao/achinao khani chili hithāda khangahānna:

“Atam rāhaira, fathuirānhaira. Khamashung tui hānglu, ungshung shikā maungshung shi khala? Shimpānusa (fathuiusa) manaohai (huirot) paishina”

Laa hi ngalā kahuiwui laana. Ningkachānga shanao chili atam rāhaira mahuiranglakha shimpānusada kasāna.

 

Glossary:

Rinthuiusa: Shimpānusa, fathuiusa

Khamanao: kahui

 

Sung by Mr. & Mrs. Thuingaleng Raleng
Captured by Prem Raleng

Written by Tsivyo Kasom

Email: tsivyo@gmail.com (the writer is available, if you have any question or concern)

Please follow and like us:
error0