Laa Khanganui

Laa Khanganui

Laa khanganui hiya Haowui ngalā ngayo khavaina.  Shebshi tui eina Beauty Contest dala hoya.  Laa Khanganui hi Luira Phanit atamli sāya.  Shinao akhawui sāri peida shaksā kharik laga ramwui ngalānao katongana nganuiya.  Hili kazanga ngalānaobing china Laa nganui-laa sāmānda ngareophung/kayāngli kuimareilaga zangzatta.  Kala ramwui yāronnaobingna ngashānlaga shinaobingwui asho-alep khaung yanga.  Kaikhana kahāng, laa khanganuiwui kakhalatta; thei-machi, pai-machi māwon zairā, mayar ngalāwui phasā (āphum) kaphā thāda shokrano kachina.

Laa khanganui hili Yarsin singkahai ngalānao (teenager) saikora zangser phalungra.  Kachi kathā ngalānaona phasā mathar sākha (indulged in sex) ngareophung/kayāngli zang-kazat thārān awui sari (kongsāng kathā) zangjathaora.  Kala jat-hai akha ngalāvachi matharthurada yāruina shānkhui haora.  Ngalānao eina leilakha laa khanganui hili mazangakha, chipā chili yāruina zopmazāp (not virgin) hairada shānkhui, kala matui haora.  Laa khanganui hili makazanga ngalānao chili songrān khangatei maleimana.  Hithāda Awo-Ayina tharmathenglāk eina mayon/ngarang kasāna.  Ichāwui phasā tharda kahai hi Ihaowui ngashanna.  Hi ithumwui identityna.

Written by Tsivyo Kasom