Laa Khanganui

Laa Khanganui

 

Laa Nganui Khavai Zatkazang: Courtesy Kahorpam Horam’s FB Post

Laa khanganui hiya Haowui ngalā ngayo khavaina.  Shebshi tui eina Beauty Contest dala hoya.  Laa Khanganui hi Luira Phanit atamli sāya.  Shinao akhawui sāri peida shaksā khariklaga ramwui ngalānao katongana nganuiya.  Hili kazanga ngalānaobing china Laa nganui-laa sāmāmānda ngareophung/kayāngli kuimareilaga zangzatta.  Kala ramwui yāronnaobingna ngashānlaga shinaobingwui asho-alep khaung yanga.  Zingthan Zingkhaina kahāng, laa khanganuiwui kakhalatta; thei machi, pai machi māwon zairā, mayar ngalāwui phasā (āphum) kaphāthāda shokrano kachina.

Laa khanganui hili Yarsin singkahai ngalānao (teenager) saikora zangser phalungra.  Kachi kathā ngalānaona phasā mathar sākha (if anyone has already indulged in sex) ngareophung/kayāngli zang-kazat thārān awui sari (kongsāng kathā) zangjathaora.  Kala jat-hai akha ngalāvachi matharthurada yāruina shānkhui haora.  Ngalānao eina leilakha laa khanganui hili mazangakha, chipā chili yāruina zopmazāp (not virgin) hairada shānkhui, kala matui haora.  Laa khanganui hili makazanga ngalānao chili shongrān khangatei maleimana.  Hithāda Awo-Ayina tharmathenglāk eina mayon (ngarang) kasāna.  Ichāwui phasā tharda kahai hi Ihaowui ngashanna.  Hi ithumwui identityna.

Sāri: Courtesy Tennoson Pheiray’s FB post

 

Written by Tsivyo Kasom

Writer’s Email: tsivyo@gmail.com (The writer is available, if you have any question or concern)

 

Sources:

Hao Ngashan, S Changkhui

Narration of Zingthan Zingkhai

Please follow and like us: