LAMLANG BEDKHOK

KhararchānKhawui KhararchānLamlang

LAMLANG BEDKHOK

-Written by Oinam Ayung Raikhan

From A Journal, The Legacy

Lamlāng kaho kha Ukhrul Districtli khalei kha akhali,

Nganaipat khamathā kahaka bedkhok akhawui khararchān.

Kathara manglā makazanga ayi-awowui bedkhok akha,

Tui mamatui kha mamayākhangai otsak eina chithei;

Khamakhao ningmakathar otsak masāngasak,

Preigaharwui khangathuma morei otsak masāngasak.

Mipha kachi chithei, khalāminao ānaolamshong,

Ngacheehao Lamlangpāshi bedkhok yorngaihao.

Kha ākhana āngasam mazatmara jihao,

Kha akhana āsui, mazatmara jihao;

Anaolamshong Talui Raikhan Wungshina asui,

Pheichakla sachithei Iram Taluili ungusa,

Mazatngaireo ngarunglaga mayāmihao.

Khangarung khon shā khangapākwui leikashi khon.

Talui Masorim tāng kajuiya pamli ungsom.

Kankhanā khamathā bedkhok khararchanna.

Khamathā bedkhok mipha kachiva rāngashān.

Thang zimiksho meina chuikhuptā mihao,

Kathāda chuiphok khipānakha matheima;

Bedkhok alungthungli saotheila kathā ākha,

Machuila ngateihang leisai matak-khak,

Kashivām chuiphumhao ārong kharnikā,

Kachangchang arong khar Leiphāng hoda,

Naothotna Leiphāngrong ngashānsa.

Khamathā kahaka bedkhok ākhawui khararchān.

Please follow and like us:
error

Enjoy this blog? Please spread the word :)