Luira

Luira

Phanit hi Marun (February) kachāngwui alungli, meisin rākahaiwui thili mayona. Phanit hi luilum kathui eina sai. Ara kazingkumura luithuirānura, thei machi, pai machi, mā machi phungtungrānura kachi eina phanit hi mayonna. Phanit hi masāranglakha amachi akhanidala matāpai lākmana. Kachikathāna ngathumngateida tāhaiakha, chipāli khanā (village) kashonglāngra. Kala Luira masārang lakhava khalungli kapaiwon sāhārwon, mayāngwon, kokluiwon makhuiungpaimana. Kachikathāna khuiungakha chilila khanā (village) kashong lāngra. Phanit hili lumlao kasāli kasārkafa mateila lumshilaoli zangpaisera. Khor zamla, sāla mavāt lākla phāshak phāzā nganaopama, mi saikorana tāngtāngli mayār ngalāna lumshilao kasāli yangzata. Mayar ngalā māng machila vazing ngalābingla lumlao sānganaoa. Phanit hiya ngareo khanganaowui phanitnadala hāngpaiya.
Luira Phanit hi zimiksho tharāda khanithang (12) mayonna, azingli thangthangwui otsak kapimili.

Kharethang eine Kakhanethang kha si-uwa. Kha kasi kachihi, ramchili khaminao pamkasā saikorali ichāram maningakha ngavei kānshoklaga khangatei apamli vāpamngasak kahai kala kharāla marākhangasak kachina. Zingthan Zingkhaina khasit hi mati phangāthang sāya chiya. Khasit kasāwui marama shār phahor mamanei khavaina, maneichām khavaina (not to defile).
Kala khanithang hili nitlungli rikhavai kala shārkhavai meirā āphāsanga. Hili meirāphāt hoi. Preinaobingna thingphungsanga kala gaharnaobingna shālui mei āsaya. Shālui kasa hieina ara aram luira saura, kha marā ngasakmaralida khabingna hengsāda theihaowa. Mei kasing hi ara ramli kha marāpaimarada thei khangasakwui amachutna. Khasho masāranglakha eina tangda phanit hili khaminao marāzangpaimana. Chipāramwui leihāli vālala khalungli mazangla, lam eina shongreili theithui haowa. Khalungli vāzanghaiakha chipāli kashong lānga. Rākazanga mi chili māhbingnala kashakazā makhuimipaimana. Kha chithālala khamishimā rāakha khana shimli mashokngasak ijilala harshāng kānzanglaga kashak kazā khuimipai.

Kakathumathang sātaithata kala phanit peichaoda shaikhavai sārei tārārā zangaroka. Yorlāli rayar heikhavaida hok longlong taithatmiya. Sāthitthang S Kanreina kakapi lairikli thingphunga jiya kha Zingthanna hithang thing maphung ngasakmana kha meirā phāpaiya jiya.

Khamatethang Awungashi māng shangrei hoda ruka/rupa (mayonna, suihaiya). Hithang khipākha luimavāla phani sera (khanganit or lui mavāla kapam). Kala ashi shimli kahai Zinglā kameowui theirui khong eina khorām khuilaga pheomathāhai kala harkho yanglaga phaphayāya. Hithang makhola kaya. Chithang ashimāngna māmachi mashaowa. Kala ashi kayāngli ashi ngalābingna laa nganuiya. Chithang ngazin longnaobingna long phāshaka. Long phākashak hi mayarngalā (yāron ngalā machimana) thingneira āshāt khavaiwui vangna.

Kaphangāthang yārui ruka. Hili shangrei kharukta hoi. Zimik āshotngashida yārui katonga ichāshiwui kayāng sāmathā serra. Tāngtāngwui awungashi eina shangshangwui khararnaobingna athumwui shimli kahai Zinglā kameowui theiruikhong eina khorām chi sharvana pheomathālaga har kala hoksā eina phaphayāya. Chithāda sāda hithang Kasowoshi makho kāya. Zingthanna kahāng hithang Awungashi Laa nganuiya.

Shangrei kharuk Laa:

Luira sāngai uwa, hoksā shaingai uwa (meilo chiya kaikhana)

Hoksāshaingai uwa, Ahungwo,

Ahungwo shangrei rukchangura, Yarui rukthang,

Kazing mathang ngyaiyi jile

Hithang ngathorthāk thuilaga mayarngalabingna khorshon thaiphung, sā romsang phunglaga, kachichā tāngtāngwui thingneira ashātsera. Athumna khuikaphung sā eina khor chi thingneira chili rida ungloda aming zailaga āphaya. Kala sāthao chi thingneirawui āpamphai chili neosor mihaiya. Thingneira hi phanit peichaoda laa sālaga kala mahonlaga ngahun nganaochinga.
Thingneira Laa:

Thingneira āshata,

Thingphāng tekung rāle,

Yārronlā, khisā vaisida āshāt?

Lumlao vaisida āshāt

Yārui rukthang hi laa nganuiya, khangatukla ngatuka, chāngvei phunglaga ngalolasāya. Ngalānaobingna laa khanganui chili yārronnao eina gaharnaobingna āyārli khomphā hamphek hailaga chili pamlaga lāsi o kahukama.
Katharukathang, kashinethang kala kachishata nganiya/nganita/phaniya. Kathumthang hili lumshilaosālaga otsak ngaraichāda sāya. Lumshilao bingchiya; laa khanganui, khamahon, zeipa khangaphar, khangatuk, ngalo kasā, thingneira khangakhun hikathāthāna. Zingthan Zingkhaina kahāng katharukathang Kasom Laa nganuiya, kala kashinethang Ngayainaona Laa nganuiya chiya. Ngayaiwoshe makho makāmana chiya kha ashiya chumpha atamli/phanitli kashong kā iji.
Ngareosān kahaieina mayarngalābing kayāngwui tārongli kala ngasaiphungli ungkhangasām chili luira laa sānganaowa
Nitlungli Kasā Luira Laa:

Chonshithei vamkha ngachā

Ngalā hungli Ivā sheineowa eina (vāsākaza)

Ivā (Ina) sheineo, maning ngalā maishāphina pāngkhuma

Nganeira ashāt shira,

Chakren meikarana (akhamei khangakar) kachāka (kakhong),

Kachāk cheilo, lumlao vaisida

Ashat phalunga

Anava masungthei rila

Asai longnao, Asailaga khuiphung,

Khomkhai katita

Mayar lāpho mamaho.. maho

O! masailāli nongrano

Kharim ningning,

Kharim shangshang,

Kharim tātā

O! masailā chi

Kongrui phalunglo.

Long chi phāya, long chi phāya, horāmphi,

Horamphishi natāng eina, Longrei longrā,

Longrei longrā, long marān sā,

Horphui hailo,

Nganui tuntun, ngahui shanshan,

Thingchang meithā,

Thingchang meithā, mahai riksa

Mari sāsei

Kachikothang takreihaowa. Hithang preigaharbingna khorshon, zamshon thaiphung, sā hangsangphung laga lui kameoli āphaya. Hi takreithangna. Mi kachiva matha pāngmashum kharip khuiphunglaga hanphutli vāyaosanga. Kameowon hanphutli shunserra. Kameo raikhaiwon chi hanphutli shunserra. Lui kachivali hanphut ngavāsai. Laga mayāngwon, kapaiwon, sāhārwon, kokluiwon reounglaga shim khāmongli ungshāpserra.
Nitlungli mei sing/sashāra. Aja takrei khava hili mei singa, shālui masa khangakān, theilui pailui masa khangakān chila kala kārphung meila aphā rika. Mei hi kasing eina khanaothuma kha shora/khashonada theingasaka. Yāronnao ngalānaobingna ahangwui luiot leiakha vāsai. Kha kachungana hanthing hanrā āphāserra. Mayarnaobingna sā ārenga. Kala mayarngalā kaikhana ngasokha sālaga kongkhai āsiya.
Katharāthang takrei ngawora. Kachikathāna tāngaworada hānga. Zingthan Zingkhaina kahāng hithang theishirai chiya; marānthei, khamāthei, karopthei, kala theimachi khaleibing chi āringsanga. Kala chilli ngapheo/mashao katā hoyaji.
Chithang ngazin, ijā tāngwui thingreira katat haora. Māwon poda/zaida kasāna. Hithangwui thingneira khangakhunli, ‘nāpai shiro, yāngyai shirao’ da laa sālaga ngakhunna. Naoshinao khararnaola matei mana, preinaosan kasār kafala zangsera. Laga, khai eina katatshat haowa. Mari kasā bingna athumwui rishao lung (mari shao khavai lungui) phahai. Ngashi eina maphapaithuda. Ngashee eina phakha sānā haida chui haowa.
Tharāda kharethang kha shoya chiya. Chieina khabing rashā rāphangkida kala leih rānganongkhavai mi kachungchung lonla machatla rāya.
Tharāda kakhanethang leingaphali leih ngaphaya. Hithanga ruichumnaobingla khaminaobingla ot khayoryor, khaloloda leih nganongshona. Zimiksho khanithang hili Langpei Langyor hoya. Hithangla khangareo, khamahon, lumshilao saikora chi sānganao shona.

Leingaphali Leikashi Laa:

Hunphun ram masāsang haisāla

Khi phaningvai rokshirao ram thui ngasālo,

Thui ngasālo Hunphun leinganong leishiya.

O! Hungphun leinganongli, ngathor thuilaga nganonglei, Meiteiya keithei,

O! Meiteiya keithei, Hunphunleng keithei, khi ngateiralo.

Hithang, kha nganaya (thui haora). Chithang sher thānhaora(khor khong sāmathāya). Khamila chithang thuiserhaowa.
Ara phanit hi kuphaoda lui thuiphok haowa. Lui kathui kaho chi luira phanit hili kahona. Chieina Awungana awui rukthang chi amachi phungtāmi (phung of kaphung/to carry), chiwui kakhalat valing kasang kachina kala hili khamashaodala hoya. Ara phanit pei hili masi lui (khayailui, langlui kathathana), yāngyai lui āhui (kahui eina kharāna, lingkasangli kahāngna) seruwa. Lingki kachi athei arai, thei-machi, pai-machi, atāser haowa kala māthala āthukserhaowa. Atam hithārān ngalang kazārna hāngkhavai maleimana.
Ngalang kazārwui naokhot Laa:

Masi lui kahuinao,

Yāngyai lui kahuinao,

Kazing ying kharailo,

Itho naozāt kānphanga.

Glossary
Meisin: langlui, shālui khavā katonga mei saserhao.
Kharuk: khamayon, suikahai (kharuptala hānga)
Khamashao: Mā machi khamashao
Makhola kakā: Sherva li hampai akha, hamphei akha da shervali miya: han phaphayā khame). Sherva china awui kashan kachon kakang kaji ngasa kazak zak haora. Kachon chi eina hampaili romtit haowa. Rupthang hampai chi awungawui mangāli ungphei chithei. Thangkha māng hai mana.
Nganiya: Phaniya, nganita, luimavāla kapamli kahāngna
Zinglā kameo: to be added
Zinglā Kameowui khong eina khorām:
Lāsi o kahuk: to be added
Ngasaiphung: to be added
Kha nganaya: Khami thuiserhaowa
Sher kathān: Khorkhong sākhamathā

Contributed by:Tsivyo Kasom
Sources (compilation):
1. Ringphatyan, written by S Kanrei
2. Narration: Zingthan Zingkhai

Kakhalat:
Laa khanganui: mā chi, thei machi pai machi, māwon zairā mayār ngalāwui aphum(phasā) kaphā thāda shok rano kajina. Laa khanganui chilli makazanga chilli shongrān maleimana. Kha mathar manada yāruina ningmawong haowa. mi khangakhai khangarai, Mik mai mamathamana kaji maleila, sam maphungrang kaji, ana makhawok eina tangda zanga.
Thingreira sākashat: Khamina māwon zaira shurthuihai paishinada, sāshat haowa.

Comments

  1. Whats Going down i’m new to this, I stumbled upon this I have discovered It absolutely useful and it has helped me out loads. I hope to give a contribution & assist different customers like its helped me. Good job.

  2. It¡¦s actually a great and helpful piece of info. I am happy that you just shared this useful info with us. Please stay us informed like this. Thanks for sharing.

  3. whoah this blog is wonderful i like reading your articles. Stay up the great work! You know, lots of individuals are looking round for this info, you can aid them greatly.

  4. Thank you for the auspicious writeup. It in fact was a amusement account it. Look advanced to far added agreeable from you! However, how could we communicate?

  5. I want to start my own blog: are there such thing as blogs that are totally “open”, and anybody can view it? I keep coming to the kind where you have to add other “friends” to use the site. . Links appreciated. Thanks!.

  6. I’m so happy to read this. This is the type of manual that needs to be given and not the accidental misinformation that is at the other blogs. Appreciate your sharing this greatest doc.

  7. I think this is one of the most significant info for me. And i am glad reading your article. But want to remark on some general things, The web site style is great, the articles is really great : D. Good job, cheers

  8. As I site possessor I believe the content matter here is rattling great , appreciate it for your hard work. You should keep it up forever! Best of luck.

  9. Great ¡V I should certainly pronounce, impressed with your site. I had no trouble navigating through all the tabs as well as related info ended up being truly easy to do to access. I recently found what I hoped for before you know it in the least. Reasonably unusual. Is likely to appreciate it for those who add forums or anything, website theme . a tones way for your customer to communicate. Excellent task..

  10. I do accept as true with all of the concepts you have offered on your post. They are really convincing and will definitely work. Nonetheless, the posts are too brief for starters. May just you please lengthen them a little from next time? Thank you for the post.

Leave a Reply