Mangkhap Phanit

Mangkhap

Luisao Luishom kupngashida Awungana langshi sālaga phanit hi phangāthang (5 days) mayona.  Phanitwui vang shanaobingna zam hangsanga kala khorla kheisanga, kala mayarnaona sāshai zanga.  Phanit saikorawui ngachaili Mangkhap phanit hi khamor chātmeikapa.  Luisao luishomli mahui nganongpaimana, zingkum vārot haikha zāt makhuizāmana.  Chiwuivāng mātha mamanao khavai ot panglāk eina sāya.  Pheipāng masit titit ot kasāwui kajot kharai samphang haoranoda khanan khanā ngafa haosada khamor jātlāk eina kasāna.  Ara theishirai ling ngakānhaira, māla shomhaira, kum khawuiwui zākhavai athei arai saikora lingserhaira, ara maleiluimana kuphairada Mangkhap khamayonna.

Phanit hili shimli thāda kasainakha phāshak phāzā pammana.  Lumshilao masāmana.  Māthei māreng kala ngasotnao khor zam ngatha khamang, khong khuirā ngaroklaga shakrum zārum kaji, kala khami kharābingli rashak shirei khuimilaga shimli ngānchiri eina kapam chimaya.  Ringphatyanli S Kanreina kahāng athishurda kanithang sāthiya.  Kharethang sei kala kakhanethang hok taithatta.

Kakathumathang shimlāk kachivana harkho yanga.  Harkho khayangwui maram pāmilu.  Hithang ichāshiwu luiyamli hargui vāshunsera, sā (hoksā, harsā kala seisā) ameoali aphatāya kala zam khorla hanphutli, ‘Ameowo, noh! Athei arai, māh phāmeilo, khor zam mangulo’, da mingzailaga khalekthahaiya.  Chiwui thili shimli unglaga shim kameoli ungpha phayāluiya.  Neilung eina phara zeithing khunglaga harhā eina meirā hale shāplaga kayāng khāmongli ungshāpa.  Shar kasāli shikachin harsā chi kashaili shanao mashaimana, shaishāra.  Kalikha rameinaobingna taithat sākha chila athumwui mikharān mayarnaobingli mihaowa.

Khamatethang kha shoya kala rashā rāphangkhavai khami kachungchung rāya.  Hithang kha khangateili favākahai shanaobing ava avā kala apā ngarāwui eina sā ungphungkhui kida ungserra.  Akhama kathā athumli sāphei sāpāng, sā machum eina sangmiserra. Kala thāda maungla kha leih rānganongkhavai khaleilei hanthinghanrā kala shakei kathāthā phungrā ngaroka.

Kaphangāthang ngathor zimik ashok ngashida leih ngaphaya.  Leih khanganongli mazanglala misaikora leih ngaphali kashan kachon shaksā kharikriklaga mahorhāk eina ngavailaga rāyangpama.  Hithang ngazin kha ngana haowa, ichāram hanunghaowa.

Also read

Harkho Khayang

Khasit kala Khasho

Hunphun Mangkhap

Glossary

Hanthinghanrā:  Vegetables

Kha khangana: Phanitli rashā rāngaphanglaga ichāram hanungkahai hili khanga

Ngānchiri: Mei sālaga lumtur eina kapam

 

Written by Tsivyo Kasom

Writer’s Email: tsivyo@gmail.com (The writer is available, if you have any question or concern)

Comments

  1. Wow that was odd. I just wrote an really long comment but after I clicked submit my comment didn’t appear. Grrrr… well I’m not writing all that over again. Regardless, just wanted to say fantastic blog!

  2. Enjoyed studying this, very good stuff, thanks. “To be positive To be mistaken at the top of one’s voice.” by Ambrose Bierce.

  3. The best foods are vegetable soups (no tomatoes, potatoes or eggplant) with
    spices, (cardamom, cumin, coriander, fennel, black pepper, turmeric, etc.

    Other than this, proper baby medicines are used to take care of the health in the kids.
    Some in the other common drinks children consume include veggie juice, cordials and soft drink.

Leave a Reply

Your email address will not be published.