Nāmpho
Kazing suipurpur roakha phasā mayikhavai khumkorli Nāmpho phunga. Nāmpho hi raincoat thāda shichin kasāna. Hi khaneinā (palm leaf) eina rakkakhui otna. Nāmpho ayur khani lei;
Phokhār: Hina paikhamei yurna. Phokhār hiya ākhamāng (single) eina raka. Chieina langpongda kazing ro akha makhāngmana. Tara zanghaowa. Shapshap mamei khāngkhavaina. Mayarnaona phungzārlāka.
Phova: Hina mathākhamei yurna. Khanishida (double) raka. Kala Phovaliya tara mazangmana. Khumshong ngakhumhai kala Phova ngakhāhai/phunghaiakha tara mazanglākmana. Khumshong khangakhum chiya, khangahon machimana.
Written by Tsivyo Kasom
Sources: V Zingkhai (narration), Wungnaokhan Kasomwoshi, P.R. Yangkahao
Writer’s Email: tsivyo@gmail.com (The writer is available, if you have any question or concern)
