Ngasha Kathui (Mashakzāla chenkathui)

‘Tangkhul khanuithot maishālāka’ da khararnao akhana manalaga hānga. Khiwuivang khala chilaga; āchālakha athumwui thotli mashakzāla ngashathuihai-akha (chenthuihaikha), vasum masāranglakha eina tangda shanaopāchi avava eina avāvawui shimli maungkārkā paimana kala ungkārkakāla maungkārkāsāmana. Kha aruihonwui mibinga unga. Hiwuivang maishālākada kahāngna.

Hi saklāk eina ngalangsai (mayonsai). Kaje ngashakathui hiya shimkhurli, ava avāli kala apā ngarāli maikashi sāsangkhaminada phaningsai. Maishāt sāsangkhamiwui ning makatun ava avāwuili leihaowa. Kala kachikathā ava avāva khonkashila lei. Hili khonshi khonmuikahai hoya. Kala khonshi khonmui kahaiwuivāng shim maungkārkā kapaina.

Khonshi khonmuikahai hi khuishokkhavai vasum kasāna. Vasum kasā kachi hiya ungning khangateina. Nguihairada ungpāmkasangna. Āchālakhava maishāt sāsangkhaminada phaninghaoda, shimli hanungakha soso ungchapada khararnao khangatei akhana hānga.

Vasum kasāli ngalāvawui awova (mayarawui avāvana) ning ngateimiya. Hithārān, harvā khungmilaga ani awona khonshikahai chi harvā chili kāhaoranoda sāya. Khipā khana harvā chi mashailuimana. Harvā chi angasat hiranran (kasāngsāng) shoklaga akhalata thihaowa.

Written by Tsivyo Kasom

Email: tsivyo@gmail.com (the writer is available, if you have any question or concern)

Please follow and like us:
error0