Ramva Ngaleiwui Maram Kashi Eina

Ramva Ngaleiwui Maram Kashi Eina

Written by Stephenson Kasar

From A Journal, The Legacy

Achālakha Ramva ngalei hiwui ramphat kaphā atamli ‘SEICHANG’ āva akhana Ramphat phakhuiya kajiwuivang eina kha hiwui āming hi RAMVA da kahona. Ramva kha hiwui āming hili Meiteina LAMBUI da hoya. Aming kazata kaphungnaobing kala kha hiwui kaphungpheili kashoka tara apamli Lambuida hoya. Kakhaneli, kha hi sei kachungkha keida khalung hili pemda, puida seishang (group) pemting eina khalei kha ākhana kajiwuivāng Meiteina LAMBUI kahona (Ningthourol Lambuba —II,  P.227). Atam kasāngkha Lambuida zatnāsāya, kha ara Lambui majila Ramvada mashungkhui kahaina.

Ramva ngalei hi Tangkhul alungthungli khaleiya kha akhana. Ramva kha hi Imphalwui eina 56 KM na, kala Ramvawui eina Ukhrul hi 25 KMna. Ramva ngalei hiwui zimikshoshong kong akha longtāya, kong hili Ramva tuili `SHE-ANG’ kong hoya. ‘ SHE-ANG’ kong hi Ramvawui `KHAYUNG RAKHONG’ eina haophoka. Kong hili Kamo shongwui mibingna Ramva kong dala hoya. Kong hiwui zingsho-zingtun khaung 25 (twenty-five) shakhana ngarālui khavā kala khai phāda khai kachungkha khalei kongrei akhana. Kala hili zingtunshong khalei khabing chiya Lungpha, Singtā, Marao kala Shingkāp khabing hina ngarālui vāzāda okthuida lei. Meiteina ‘ SHE-ANG’ kong hili TUYUNGBI TUREL da hoya, kala TUHINGBA TUREL or TUYONGBA TUREL dala hosāya, kha naodava TUYUNGBI TUREL da zatnāhaowa. Marama Tangkhulna tarali Twuida hoya. Tangkhulbingna kong hiwui tara hi maphumla kharing eina (Meiteina Hingna) manga kajiwuivang Meiteina Hingna (kharing) Twui Hingna khani ngarumlaga Tuhingba or Tuhongba kachiwui eina TUYUNGBI TUREL da hothuihaowa. Hi Meiteingu Ningthourel Maramba/ Gourashyam wui atam 1753-631i Samshokli rai kasāwui atamlina. Maramba Awungana Samshokli rai sālaga hankhaung atamlina. Aruihon Apong, Hangkau, Phalang kala Godawui ngachaili khalong kong hili Meiteina MAKLANG kong hosera.

Khiwuivang eina MAKLANG KONG kaji khala jilaga Maramba Awunga hina Samshokli rai vātāda Ningthi Kongreiwui eina hankhaungli Maklang kong hi ungkhamakān eina athei ātang akha kongwui tarali horkasang eina charshi kahaili Irang rangba/Langba, Kapowuina Mak+Langba kaho Meitei Mak+Lang tui khani ngarumlaga MAKLANG kong kachi āming hi kahona. Meiteina Maklang Heitaoyi, taoching, athei 1. khangaphum kajina. Marimba awungawut 5 atamlina. (Ningthourol Lambuba — II, P.7).

Ramva ngaleiwui zingtunshong kongrei akha `SHIRUI’ kaphung eina longkatā kongrei akha leiya. Meiteina kong hiwui āming THOUBAL TUREL hoya. Ramva ngalei hili achālakhawui eina thuida British Road, Imphal — Ukhrul Road. Kha hiwui alungthungli sharok akha leiya ara National Highway No. 150 onhaira.

Meiteili Raikasā

Ramva ngalei hili achālakha Meitei Maharaja Marambana 1753-63 hiwui atamli rai ratālaga shim thot miserhaowa kala thongthāng saikora sākhai miserhailaga thuihaowa. Atam hili Ramva eina Shokvao kha khani hili rai tālaga Shokvao awunga Helta Makung kapinga chili sāthathaowa. (Ningthourol Lambuba — II, P.9).

Latluishitta Ramva ngalei hili Ningthourel Nongdren Khomba (Gambhir Singh)wui atamli Ramva eina Meitei rai sāda Meitei shipai Nongmei kasinga company ākha raili sāthat miserhaowa. Sāthat miserkahai chiwui athut hāngsangkhavai Ramva shim kachivali zangvālaga sākazammiserhaowa; malungvātvāt eina shim shimli zangvālaga pamkhong, pet kala thongthāng saikora sākazammi haowa. Kala hangvabingna pamkhavai Pamkhok chila sākhaimi haowa.

Ramva awunga pinglākkahai YAOKHARENG, rai kathāna khani zangda mi phangā (5) tukthuihaowa. Awunga YAOKHARENGli tukthuihaira kaji eina chāngvei kazei singda Ramva eina Meitei raimi panglāk eina rai sāngaroka. Shokvao kaphungli Yaokharengna raiyot kasā chi raituk ngasāhaowa. Shokvao khalila zangda aramwui shim meithottāmiserhaowa. Atam chi Maharaja Gambhir Singh (Chinglen Nongdren Khomba)wui atam, 1825-34 shakhalina.

Ramva Khashim eina Kajai Thingreila, Kala Rai Kapinga

Atam akhali 15th & 16th Century maikhali mayar khamathā hāngkhavai makhalei yarsho kaping kapanga kashāng khalei khalāknao KHASHIM kaho mayarnao kha okthuisāya. Ramva Khashim eina Kachai THINGREILA rasā sāya. Kachai Thingreila hila ngalā khamathā machansam kapai asho alep unglākkahai khalāknao shanao akhana. Kha Khashim eina Thingreilawui mirin sāngda rasa masāla kazei rasa vāsāthuihaowa.

Kala 17th Century maikhali Ramva ngaleili kapinga kapanga mayarnao khani okthuisāya. Aniwui āming K. NAOSHANG RAIPING kala akhana Sy. TOCHUNG ani rai kaping kapang hāngkhavai maleila okthuisāya.

Ramvali Vareshi khuikharā

Ramva ngalei hi ngalei tumlāk kahaiya ram ākhana. 18921i Ramva kha hi shimlāk 35 (thirty-five) shikha pānsaya (Diary of Major P. Maxwell of 1892). Atam chitharān Humpum hi Major Maxwellwui report athishurda shimlāk 210 (two hundred ten) leisāya kha Maharajawui recordliya 366 (three hundred sixty six) leisāya (Maxwell Report, P. 88). Ramvawui shongfapheili khayung rakhong leiya. Chiwui ngalemli Manipur Maharajana Rest Camp akha sāya, kala chili rāngasamkhuisera. Rev. William Pettigrewla hili 18961i rāngasām laga khawui naoshinaobingli awor tamkhavai ngarānmiya. Ramva KHAYUNG RAKHONG hi thotchān leilāk kahaiya rakhong akhana. Chimāng maningla Rakhong kala sharok hiwui mangā eina Varewui paokaphā samphangda Ramva vareshi hi 9th October, 1935li A.S. Machihanna thānlaga vareshi sāhaowa.

Ramvana lairik tamkaphok hi 1896-1905 li Ukhrulli L. VARECHUNG eina L. AMIYAR, anina khare lairik tamkharena.

Please follow and like us:
error0
Tweet20
fb-share-icon20