Sāfa Kakeiwui Ngashan

Khapān RampānPublic

Safa (Haofa)

Awui ākhavāwui otsak machutta kala mayonmiya. Ana khani kathumthang mapuli ngasolaga chotlāk eina vārengkakhui sā āna mashairemana; mapuli khuiungmiya kala mapuna khami ngaraiya. Luikhavā, kharamkhavā ākhavāli mari ngasakmana āna mangāli zatta, sāyur kala yangkashebingli āna ngararmiya.

Āwo-āyina Tangkhul Sāfana āthumwui mirin kanmikahai, sārengmi kahai kala shim mayonmi kahaiwui khararchān hānglui hanglui chiya. … Āsho-ālep khaung, sārengkathei, ācham kaphā Sāfali ngachānsāya kala chikathā fawui ākhavāliva mina kahaowa kala khayāmiya; kaje āthumwui shitkasang leiya “mapu mamathāla fa mamathāpai mana.” Fala mapuli shaya kaji hi āwo-āyina shichinlāk kahai tuiyarna kala ārui eina tangda shichinchingda lei.

– Oimps Lunghar

Note: Mangāli kachithei ama chi Luikai eina Khambana. Fa chiwui aming Khamba kahona. Kala Ursala Graham Bowerna namkakhui amana.

Tangkhul miyurli Reisangchonmena thingnā-rahā, wonshivār, sāyur-vāyur nganantāp eina somiya. Kala Sāfa hila imayur wuivang saklāk kahai lanna. Sāfa kakei hi āwo-āyina kharewui eina saklāk eina mayonrā kasā ngashanna. Sāfa ithumwui identityna kala Sāfa kakei hi thumwui ngashanna kaji hi thotchān leiya. Kashāngnaola, kachāmnaola, sākharengnaola, sāmakharengbingla yokngaroksera. Naganaowui maramli kapi khare anthropologist Ursala Graham Bowernala awui lairik “NAGA PATH” (1950) li hithāda kapisang haisaya. “Fa maningluila shimkhurwui mipha akha ngasā kahaina.” Ā kachangkhat eina Naga fana pharākakhui kashenga Sāfalāka, hakshuna, mathik shāshuna, Chinawui fayur chowli ngaruiya. Khamba (Ursulana keikasā Sāfawui āming)li khipānakha fa khangatei eina matheinguipai mana. Ningkhān kala shangam kakā hi āwui machutna. Ā mapungkaphā chitharān khi shimkhur eina rākhala kaji theikazazak hai; ili shurtita, khamili henmei, āna khayākashi kala leikashi chi theiya.

Sāfawui āzak, ācham-āram, āsak-āvāt ngakheikhang haiya; thangmeilāka, mapuwui kahāng nganālāka, sākhareng mangapatmana kala shimli khali marāzang ngasakmana. Awui mirinliva mapuwui mirinna sakmeiya kala āna āwui ākhavā wuivang thimikida mangacheemana.

Awui ākhavāwui otsak machutta kala mayonmiya. Ana khani kathumthang mapuli ngasolaga chotlāk eina vārengkakhui sā āna mashairemana; mapuli khuiungmiya kala mapuna khami ngaraiya. Luikhavā, kharamkhavā ākhavāli mari ngasakmana āna mangāli zatta, sāyur kala yangkashebingli āna ngararmiya.

Āwo-āyina Tangkhul Sāfana āthumwui mirin kanmikahai, sārengmi kahai kala shim mayonmi kahaiwui khararchān hānglui hanglui chiya. Thotchān kaphei tharān Sāfa hi machithat hailākmana. Āsho-ālep khaung, sārengkathei, ācham kaphā Sāfali ngachān sāya kala chikathā fawui ākhavāliva mina kahaowa kala khayāmiya; chiva āthumwui shitkasang leiya “mapu mamathāla fa mamathāpai mana.” Fala mapuli shaya kaji hi āwo-āyina shichinlāk kahai tuiyarna kala ārui eina tangda shichinchingda lei.

Āwo-āyina Sāfa hili khamashitta ngasotnaothāda khuisāya. Nganuilakhawui eina āming phokmiya kala āming eina hoya, āwui kazazat āpamli ngasozata, āwui ngalemli pi-pam ngasaka, Sāfa wuivang kashak-kazā ngateida mahangmana, āna hangkahai chi shaiphālala shaishilala ngaraichāda ngayarzāya, khayākashi eina tamchitheiya, tui machuimana, khara eina mahokmana kha rāka. Shimli manarpam haimana kha ngasozatta maningkha Sāfawui zatkhangaingaili zatngasaka.

Shakei khangateithāda Sāfa eina leih masāvaimana. Mi makatheili mayorsang phāphāmana. Khamashitta ngasotnao, leikashiyali mingaroka kala sākhareng eina sākharengnaova shokhalā maleikhavai nao ngathangaroka.

Atam ākhali ngashan sāda yokngarokser kasā āruihonva kasheng Sāfa hi chungda mangavāthura. Sāyur-vāyurwui ārishang makhalei, famao kharā, āyarwui eina fa khuiunglaga mathāda mayangkasang kala imaramwui lan kala ngashanli sakta makakhui katonga hina maram sādalei.

Sāyur-vāyur kachungkha mikumona kārām kahaiwuivang kala sakta makakhuiwuivang shimānchao haira. Sāfa hila shimānchangki kaji nganailāk eina leidalei. Hi ithumna sakta mamayonakha shimānchang shimānhaora kala kahaolala makhuiluimara kala miyur kateina ngapaithui haipaiya. Hiyākha tekkhamatei Sāfa hi mashimān ngasakkhavai imayur hupta saklāk eina khuida otsak khangarum darkār sālākhaira.

Imayurwui Shirui Lilyli khangachānthāda ithumwui Sāfa hili ngachānda lei. Miyur kateina kahaoda lei. Miyur ākhana kaji hi āwui ngashan eina theiya kala ngashan shimān kahaitharān miyur chi shimānhaowa. Āwo-āyina zingkum thingthing saklāk eina mayonrāmi haoda ithum khanuithotna thuikathei samkaphangna kala ithum khanuithotnala āwo-āyina haimi kahai lan hili saklāk eina khui kala mayonakha rārāda khalei thotnala Sāfawui tekkhamatei thuitheira. Okathuinala Sāfa wuivang eina imayurli ngachān sāra kala ithumwui thotchān mashimān ngasakmara.

 

Written by

Oimps Lunghar
PhD Scholar, University of Madras
Founder, Oimps Tangkhul Safa
Conservation Centre, Teinem.

 

Ramsingphi NG eina Tiger (fachiwui aming), PC: Oimps, Safa Conservation & Research Centre

 

Aruila Luikai eina Khamba, PC: Ursula

 

Aruila Luikai eina Khamba, PC: Ursula

 

Please follow and like us:
error

Enjoy this blog? Please spread the word :)