Saotāngthei

Lt. Luimaola Zingkhaina shichinkasā Saotāngthei
PC M Thomchui
Editor Shem Wungkhai

Saotāngthei hi thing eina sākakhui pamkhongna.  Hi avawui pamkhavaina.  Awo Ayiwui atamli saotāngthei hi aman saklākkahai kala mathālākkahai shinshivai (household use) akhasāda khuisāya.  Kalikha shim chuisālala saotāngthei hi ngazon shokrithuiya chiwui thili shimwui khomphei khomphāng ngazonshoknaowa.  Hina aman kasaka shimwui ot akhana kachi chitheiya.  Kaikhana, ‘Akhama irahāli (inao mayarawui apreivali) rāpamngasakra’ da saklāk eina paipungli phumlaga phārihaiya.  Mi kachungkhana masākhuirarmana.  Ngavamlala maung kashung thing singlaga saklāk eina sākhuiya.  Saotāngthei chuitākahai chi saklāka.

Saotāngtheiwui sao kachihi isao eina kharānada V Zingkhaina hānga.  Isao kachi hiya, igahara Kachina, pareigaharli kahāngna.  Pamkhong hi haklāka, chithāhaoda pareigahar ngarempamkapai pamna.  Saotāngthei hili pareigahar ngashiktik eina pamruma.  Achālakha, pareigahar thing khongphei akhali ngarumzāya, sumkok akhali ngasopisai kala saotāngthei akhali pamruma.

Naomayarana ngalā khungda arihāva kharā thārān, akhavaiva sākhangasakwui khudam hi Anivawui saotāngthei jakakā hi eina chitheiya.  Hi masāphāphā mana, atam ngavāya.  Saotāngthei jakakā hi Chumpha phanitli sāya.  Phanit chiwui kakhanethang parei kadharbingna chumzangthang jakāya.  Hithang eina thuida arihāvana shim chiwui akhavaiva ngasāhaowa.  Hithang eina thuilaga zātham-hanham ana khaihaowa.  Chumla ali chisinhaowa.

Lt. Luimaola Zingkhaina pamkasā Saotāngthei
PC: M Thomchui
Editer: Shem Wungkhai

Read also

Chumpha

Glossary

Akhavaiva: Shim kala shangwui akhavā pareiva, khararawui apareiva

Written by Tsivyo Kasom

Writer’s Email: tsivyo@gmail.com (The writer is available, if you have any question or concern)

Sources: Narration of V Zingkhai & Rev Somi Kasomwoshi

Comments

  1. […] Saotāngthei […]

  2. […] Saotāngthei […]

  3. I’m still learning from you, as I’m trying to reach my goals. I definitely enjoy reading all that is posted on your blog.Keep the information coming. I enjoyed it!

  4. Thank you for another informative website. Where else could I get that kind of information written in such a perfect way? I’ve a project that I am just now working on, and I have been on the look out for such information.

Leave a Reply

Your email address will not be published.