Shakazā

Shakazā

Mayara eina Ngalāva tāzang ngarokta ngakum khavai khamachuk chithārān tuingashit kasāli ava avā, shangnao ramnao zanglaga sai.  Rimeikapta mayarawui ava avāli hānglaga ngalava chili mayāda phāra chiakha kharara shi preivali, akhavaivali maningakha prenao akhali ngalā hāngsan chihovai.  Laga mayāakha rida kapā yanga, kapā phāakha neira manga.  Ngalā hāngsan khanili, mayarashi eina ngalāva shili nāshāt sāmiya.  Neira khamang hi khareli mayarashili manga.  Chithang mayarawuivang har akha, shinaopāvawuivang har akhada sharvana harkho yangmiya.  Laga maphāakha khanāthang mathuiluishta.  Harkho yangkhavai harchi ngalā hangsan khanili akhaship mihaowa.  Phāakha kheleilaga ngalāva shili neira manga.  Ngalāvashili neira mangthangla harkho khanishita yanglui shitta.  Harkho phāakha, chithang hishongwuila chishongwuila shimzārnaobingna tui ngashit sāmihaowa kala shimyar, luiyar chitheimiya.  Chili lāngda pāngngarokakha kachinapāna lāphit hiyākha eina phi ngaroksada ngashitmi.  Chitangwui har khani chila ngalā hāngsan khanili akharip mipapama.

Kalikhada ngashithailaga ani mangakum ranglakha pānghaiakha pheipāng mapar ranga chihaoda, kachinapā china maishāt kateonakha sālaga thāhai ngarokhaowa.

Luichumlā kakhuibinga neira mangkahai eina mashakzā ranglakha ngakum haowa.  Kala khangakum hi ngalāvawui shimli akhangakumna.  Chiya, mashakzārang lakha khangakum sāhaoda mayara shiwui shimli ngalāvali mathānungmana.  Kachikathā kaikhava naongarā khani kathum pharāhailaga shakzānaowada hānga.  Ngakumthanghon chi mayarawui ngasotnao tharuk shinili hophunglaga ngalāvawuili vāya.  Chithang chi ngalāva shina khor zam ngarān haisāsera.  Ngasotnaobing china chi āmang phunglaga ungser haowa.  Khala kakhuibinga hithāda rida mangakumpaimana.

 

 

Contributed by Tsivyo Kasom

Sources:  Ringphatyan, S Kanrei

And through narration by Shangreiso Raleng

 

 

Comments

  1. That is very interesting, You are a very professional blogger. I’ve joined your feed and look forward to seeking extra of your wonderful post. Also, I’ve shared your site in my social networks!

  2. I like what you guys are up also. Such intelligent work and reporting! Keep up the superb works guys I have incorporated you guys to my blogroll. I think it will improve the value of my website :).

Leave a Reply

Your email address will not be published.