Shong Kahao

Shong Kahao

Kashong kahao hi zingkum heithei maphāni khalada khayangna.  Lingsang kahai theishirai kala mā aga akaina kala shiri shirāna shimān ngasakpai haoda, zingkum phānikā maphāni khalada yangkhavai kashong kahaona.  Kashong haokhavai apam leiya, masāphāphā paimana.  Harshāng kānshoklaga Shonghaopamda leiya, chili hanphutla leiya kala kameoli suihai khavai sai.

Sharvana asuihaimilaga mayarnaobingna apam chili zam kala har khuivālaga vāphaya.  Harkhola yanga kala kachichā shiwui lungsen kapā yangsera.

Shar kasā hili shikhari makhangathāna, phumrai makaphunga, kala pheipāng makhangarika mi akha kapangkhuiya.  Kala ana rimeikapta shonghao sākhavai thing yorteka.  Thing chi mayarnaobingna chuishom kahai shonghao thing, khāmkhui thing akhana.  Kala Ana yor-uki kachi thāran hithāda mingzaiya, ‘Kazing kumkhame, Kasā Akhavā, theishirai kapong khayāng eina kakhuizā ngasakmilu’.  Chiwui thili yāruibingna yortāya.

Chikum theishirai phāakha yortā kharepā chi pha phālākajiya.  Kha theishirai kala māli aga akaina, shiri shirāna, kala shiok kathāna saokhayaoda sā(shai)kazammi haiakha, chipā chiwui pha maphāmanada khanā kumli ali masāngasak luimana.

Kashonghaothang kharikana ngalangmiya.  Kala chithang chi kha shāra.  Kalikha khamibingna mathei mashāmada rāakha kashong lānga.  Lupā einala ot einala khuiya.  Kala chi eina morsongvaiya.  Shar hi kha khangatei athishurda ngateiteida sāsera.  Kha kaikhali Awungana sāya, Hunphun liya Vayainao (Ngayaowo)shi māngna sāmana.  Khangateina masāmana.

 

Also read

Harkho Khayang

Comments

  1. Wonderful beat ! I wish to apprentice whilst you amend your web site, how can i subscribe for a blog website? The account helped me a acceptable deal. I have been a little bit acquainted of this your broadcast provided brilliant transparent idea

Leave a Reply

Your email address will not be published.