Sinshivai: Vaichum

Vaichum hiya Pongli teokhameiya kapā eina rak-kakhuiya khor kheisangkhavai akhongna. Vaichum kharak chithārān khani ngapholaga raka.  Rimeikapta kapā eina akha rakkāya, chiwui thili seipai eina hāshai rotkhavātlaga teikāhaowa. kachikathāna hotlāla sanga chiya. khor kathā kala khangatei ara-areng vaichumli kasangthārān mangayenkhavai teikakāna. Chiwuithili khangatei akhā, kapā eina ngaziplāk eina rakrorluishitta. Hithāda saklāk eina sāhaoda ākhashida rakkā haiakha makharaipai luimana.

Vaichum kahak kateo leiya. Awui kachui hi khutup khani kathumlapai ( 3-4 feet). Khuirui (luk kahaka)lila āna hakmeiya.  Chamtha eina Chamtheiwui khararchānli Chamtheili vaichumli ngathumhaowada hānga. Chiwui kakhalatta vaichumli mi khumpaiya.

Atungli hāngkahai thāda achālakha Awo-Ayina vaichumli khor kheisanga. Kala kheisanghailaga khor chi marao (khangatar thāda amarao kashok) haikha khor chi rora. Khor chi rorhailaga (tara kasangli kharor hoya) pongli sanghaowa.  Tara sanghaoda hakkhamei akhongli kasangna.  Pongna Vaichumli hakmeiya, kachuila chuimeiya.

Kachikathāna tara mashila haiya kala chili vaitei hoya. Tara mashila haivā khangai haivā haikha Shingkan hoya. Shingkan hi Raphei kathāli singa.

Written by Tsivyo Kasom

Narrated by V. Zingkhai

Writer’s Email: tsivyo@gmail.com (The writer is available if you have any question or concern)

Note: Nathumna kathei khangarumsangmilu.

Please follow and like us:
error0