Sumkok (Samkok)

Ayi Azhiimaru Marazamaah eina Awo Tarao Marazamaahwui Sumkok (@chingjui)
Captured (mobile) by Yungrei Shaiza & Tsivyo Kasom
Edited by Yaomatai Chamroy

‘Nashi shimwui shiwoka sum khangahei thāre’ chiya. Tui hi kathāda rāhaokhala chilaga; Sumkok hi ritnāhaoda, shimli ngazonungakha mi teodana mangavamana. Kala ngashiktiktik ngavahaoda mathāda mangavapaimana, mathākpai mangaironpaimana. Hili sum khangahei hoya. Chiwuivāng eina shiwok kachungli sum khangahei thāya kachina.

Sumkok hiya āchālakha awo ayina thing eina sākakhui pikhavai bed akhana. Aruihona thing kateoteo ngashiklaga bed semma kha awo ayina shichinkasā sumkok hiya thing akha eina kasāna. Sāklāk eina sālaga vāngava khuiya. Chiwuivang eina aman saklākkahai sinshivai akhana. Sinshivai kachi hiya shimli shichinkhavai otbing kachina. Sumkok akhali preigahar pingaruma. Kala Long pi khavaila sai. Long yāronnao saikora makhārda petkha sai. Sumkok khani sanglagala/pharonlaga makhārda yāronnao maka thumrā longshimli piya.

Sumkok kahak kateo ngavāya. Kachikathā kahaka feet maka (20 ft)la kāyada hānga. Kala awui kapākna feet tharuk shinina (6/7 ft).  Kharao shongwui sumkoka aphei makāmana chiya. Kha kachung kachā aphei kāya.

Shimsā hailaga sumkok sānaowa. Shim khāmongli āna hakmeikhārhaoda, shim arāp kharailaga yāruina ngazonsanga. Haoshim sāakha kā kathum khaiya. Khareli yāngkhup hoya, Kakhaneli hangznākhavai kala pikhavai sai, kala kakathumali Ponglum/Ponglung hoda Pong (http://www.wikihao.com/pong/) kathā lungkhavai/haikhavai sai. Sumkok hi zāt hangzākhavaili haiya.

Kachikathāna Samkoktala hoya. Khanini shichinpailapai. Kha sumkok kachi hina mashungmei lapaida khuiya. Kaje hithāda sumkokwui chāncham leiya. Shimli shiwok chungnā haiakha, ‘Nashi shimwui shiwoka sum khangahei thāre’ chiya. Tui hi kathāda rāhaokhala chilaga; Sumkok hi ritnāhaoda, shimli ngazonungakha mi teodana mangavamana. Kala ngashiktiktik ngavahaoda mathāda mangavapaimana, mathākpai mangaironpaimana. Hili sum khangahei hoya. Chiwuivāng eina shiwok kachungli sum khangahei thāya kachina.

Longra shak-akha yāronnao katonga Sumkokli kānganinglaga kharima. Kakharim hiya Long yāron saikorana, ‘Ohhhhhhh….!’ da mahonlaga phei ngaleili kathang kakachupli kahāngna. Hili ngaleili kharim katā chiya. Hithāda Sumkokli kharim akha kaphung kong makānda kha luinganaili shāvāya chiya.

Sumkokli mathang, mafathing kala thingreng kathā (thing ayur) eina sāya. Kala chiwui ngachaili mathangrongwui hakmeithuiya. Sumkok sāda khuiakha thing chiwui aton eina Saotāngthei sāya.

 

Written by Tsivyo Kasom

Email: tsivyo@gmail.com (the writer is available if you have any question or concern)

Note: Nathumna khangarumsangmilu

Sources: Ayi Azhiimaru Marazamaah and Awo Tarao Marazamaah

 

Please follow and like us:
error0