Tinnao Harnao Shongthot

KasomnaoKhararchānShangwui Khararchan

Tinnao Harnao Shongthot

Hunphunwui Kasomtangwui Leingapha ngalemli khalei Wungchitun Kasomwoshiwui shimphungli Raguinao akha eina Kasomnao Zingkhaipā shivāmwui shimphungli pamsāda ani shim khongnai sāsa iji.  Ani khongnai har ngapai ngarokhaowa.  Aniwui tuishot hi hakthui haoda hanga hokāhaowa.

Shongthot hili Raguipāshili Hunphunwo Raihaona huihao kala Kasompāshili Suirāngwo Ngaishena vam ngaroka.  Ngaishena Kashungkayāngwui (Somi Vasha) shim chikhai akha khayeiphut hailaga rima.  Kala Raihaona ashak lungtungwui (Chinaoshim) shim chikhai akha khayeiphut hailaga rimma.  Kala khanini nongmei (ashupi) singngaroka.

‘Inina Nongmei (ashupi) makāp ranglakha chāngvei-kazei maphungpai mara’ da anina hāngaroka.  Kha makāp ngarokranglakha, lungkui ngahor ngarokpai.  Lungkui chi shimtungli pongkālaga ngahorngaroka.

Chithārān chili Shiruinao Wungnam eina Falingnao akha, ani-khanina leingapha kayāngli zangnganing laga;

‘Raihao khalāka kala Ngaishe Khalāka! Tui khurkha hāngka’ kachieina, anina hāngloda ngahānkāya.

‘Harchi ngazin shong chi hohaolu, laga ungkakā pāshiwuina’.

Chi mayāngarokta kachiho eina, kasompā shili ungkāhaowa.  Chithādasāda tui chi kupmi haowa.

Chili ngasoda tinnaola khari phenngarok haoda tinnao harnao shongthot kahona.

 

NOTE:  Shiruipāshi Raguinaoli Rāreihaoda Awo shoka.  Faling china Raihaoli nganaikhamei Shaizāka shili rāreiya.  Chithāda sāda anina tuisāmi pai haowa.

 

Written by Tsivyo Kasom

Narrated by Zingthan Zingkhai

Writer’s Email: tsivyo@gmail.com (The writer is available, if you have any question or concern)

Please follow and like us:
error

Enjoy this blog? Please spread the word :)