Wonrā

Wonrā

Image may contain: tree, plant, outdoor and nature
Lengchenkui Wonra, Shirim Ashat, Kasomphung (PC – Tungsa Ragui)

Honrei-honrā suihaoda, khakrei-Khakrā peida ngasuilaga mahon kasangwuivang wonrā kahonada khararnao kaikhana hānga.  Hi kachikathāna mathirang lakha naongarāli kala shimkhurli āwui khanaowa sākhangai ningkachāng sāda, āpam hili Iwui wonrā semmiloda kapo thārān ā thikahaiwui thili horzakta sāmisai.  Wonrā kasāli keiring hiyākha sanglu kachila mathirang lakha hāngmarān miya.  Chithāda sāda wonrā kasāli sāshai kaje siluiva-siluivā mashing khanili masuitāla taithatsangda shimshang kala ramnaona khor kheisangda mahon suirengreng sāya.

Thikahaiyana kahāng athishurda apam horzaktali wonrā sai.  Hi āli phaningungkhavai amajut kala khutamna.  Haowui zatkhana athishurda wonrā sākahaiwui eina thuida kum tharuk vāshungda Wonrā Mathai hoda sāvāya.  Chiwui thiliva mamathailuiga chilala khikha maleiluimana.  Wonrā Kasā hi matailāk eina yārkhoka akhawui otngarutna.  Chithādasāda āchālakhava wonrā hi kachung kachāva Khalāknaobingna sāsai kha vāhongnaona sāka chilala khikha kakai maleimana.  Awo ayi thotli wonrā hi mayarnaobing māngli semmi maya.

Wonrā Kasāli apam katātāvawui eina lungphek kahak-hakva phungungda wonra āyār khanā kuimareida ngalung eina khormithaiya.  Wonrā mingphola thi kahaipāwui aming athishurda phoka.  Āsān-āret kahak-kateo ngateisera.

Wonra semkup ura kachieina shimkhurna khor kharekthada, ‘Manglo, zālo, noh’ da thikahaiyali phaphayāda ali phaninungda chikata.  Kachikathāwui apamli Wonrā sāra kachithārān Hao Shiyan chikan athishurda huihāng kala hara ngalei ākhavāli milaga sāsai.  Wonrā kachung kachāva luishongtun kala lui shongfapheili sai.

Aja rāshungda apam tārākhawui harshāng kala lui shongshanli wonrā semkahai marungkhung nganingda lei.

 

Read also

Wonrā kasā

 

Written by Ragui Tungsa

Comments

  1. Thank you for the sensible critique. Me & my neighbor were just preparing to do some research on this. We got a grab a book from our area library but I think I learned more clear from this post. I am very glad to see such excellent info being shared freely out there.

Leave a Reply

Your email address will not be published.