Zamthinglā

Zamthinglā

 

Achālakha ngāla khamathā hāngkhavai makhalei ākha okthuisai. Khamathā māng maningla kashānga wungnao ākhawui nao sāthui haoda Zamthingla hoi; masohot Athingnaola hoi. Zamthinglali leikashe mayāra chi, kapingla, khamathāla, ācham kaphāla āramli ā kathā maleilākmana.  Aming Shimnareng hoi.  Ngazunlā kachangvana.

Shimnareng eina Athingnao leishi ngaroklāka. Minala āni phāmeithuira da ngazeksera. Atam chithārān ngalanao khangatei ākhala leisai. Ava Shimnarengli rarmei, chili lāngda khāngsershuna. Tholā maninglala mayār mathāhaoda Ameishimli hanzatchinga. Kala zam hangkatheiwui vāng, Ameishimnala āwuili yaothuivāvā ji.

Thangkha, Ameishimna thānda, ngalānaobing kongkhai ākhaisa da ngazeka. Kazing-kathang eina Athingnaona zamshei thaikhui, zatrom hanrom romkazazak laga, ngaraipama. Kazing taiuda, āvava eina āvāva lui vāhaowa. Kha Ameishim matālāk kajiwui vāng Athingnao ngaraisān haoda, kayāngli shokngashānyang shokngashānyang ji.

Ameishimla, ngashitkahai āthishurda, phazākhui laga khai-kakhai thānvā haorā horpar laga thoowa. Kha Zamthingshiwuili matāshungrang lakha, āli kahanva, khāngserphi chi āshi khamongli nganingsai. Kala zam kāmangkhuifalo da thekhamsam eina manarārāsai. Athingnao ngaraisānhairara da phaninglala zamsui kasing eina, kashakha kāpamhaowa. Khai kaphā thānvāra kaji shākahaiwui vāng ngalāva china hapkhano khavai, zam tāklui tāklui da kasāngkha pamhaowa. Kazingla tairei haowa.

Tantak vari hailala matālāk kajiwui vāng Athingnao malungvāt haida, lui vaora da tansopnao phunglaga thuihaowa. Ava eina āvāva yārui tantakli ngasoda rida vāhairasai. Anili shurkhavā eina āniwuishong mavāla, lui vākhapāshong vāhaowa. Kala shongfali āva eina āvāli honmamānda yongkhavā eina pamngaretli yāronao tharuk shini pamsai.

Ngalā khamathāva ākha mang yongkazat chi theilaga, yāronaobing china malungmalamnā haida tukkhui haowa. Athum katongana āphei āpang singlaga tandi eina āramli shimenung haowa. Chapsasui ngakaolala tantak vari hairasā haoda khipākha mashāthuwa.

Ameishimna Athingnaoli tākaho thārān ngachakting eina leisai. Kachishong vāhao khala da khangathing eina, raina khuithui haira, kaji pao samphanga. Pao chi shākhaleoda awui kazei yonkhui laga kharomvai. Kha huinā haida mangaphanrar thuwa. Chithālala āwui kathipam āyangkhui phalungra da khavā eina veikhur ngalemli rameinao akha leisai. Rameiva chili, Anee, ārui ngayā nashiwuili mapikhuipaira khala da ākhangahān eina, Irihā, nana mapingaipaishina kajinida, pikhui khalailu, da ngahānkai. Shimnarengna āwui kazei shimlungli kāshun hailaga, khalungli ākhayang eina āram katonga kumei-kasā thāda ngahorsai.

Yārui khangahor hi katei maningmara, kha Athingnaoli rekakhareklākrada āwui ningli tarākha chukmajaya. Wukakhanang khangachee machitheilākla kasaikha ākhayang eina, Athingnaowui mik khanini latshokmi hailaga āram katongana ngashansānganaosai. Mik mayangrar mada āhā makeishāntit laga kasaikha thuihaowa.

Kala rameiva kasārvawui  shimli unglaga āwui kazei kuisikhainao thāda kharākhui.

Kazei kharākharik kahaiwui thili, malung mararthuda āyanglui. Kha Athingnaoli shimcho ākhali ānarhairasai. Kasaikha vālaga, ‘Athingnao’ da ākaho eina, ākhon eina theihaoda, Athingnaona ‘Marālu, hili marālu’ da hangshokrāsai. Kha Shimnarengna khangachee maleila, awui khainao eina chikhai ākha kaophutlaga leikashivali zangngavamkhui. Kala phunglaga yāmukida sai. Kha Athingnaona, āra masāluipai mara, iwui vāng wuk makhananglu, āra kathi phāmeikhāra, jihaowa. Mayārana, mahorhailāk mara da suilui suiluida hānga. Kha ngalāvana mamayāphut thuwa. Kala hithāda hānga: ‘Ameishim, nana ili leishi akha, kazeiramli iwui rao sākhavai, ngalānao tharāli āthut hāngsangmilu’. Shimnarengna ngahānkai; ‘Nana chieina ringphāshapra jiakha, namik ākhawui vāng ngalānao tharā, ākhawui vāng tharā da magali hāngsangmira’. Tui chi shālaga Athingnaona manarim eina hānga: ‘Imai ngasunkhuilaga yāmulu, chi maning akha nalila mathāhai mara’. Chungsheida āni mai ngasunkhui laga Ameishimna chikhaikhur chi eina yāmshok haowa.

Kazingyinguda rameiva china kashakazā mathālāk eina ngarānmi. Kha ningle Athingnaowui vāng malung shanghaida zātla mazātāpaithuwa. Chithālala wukakhanang machitheilāk mana. Makatheiya mi thāda Zamthinglāwui ponglila khikha mangazeklāk mana, kaja āwui sāki kaji ot chi theihai ākha, āramnaobing ningashar haipaishina da kasaikha pamkahaina.

Phāzākhui kahai eina, Anee, ila ngalālongli kashakha yaothuivaogei da thuihaowa. Ngalālongli khavā eina, ngalānaobingla, yāronaobingla lumlaophup eina khararchān ngazek nganaowa. Mataimeikapta Zamthinglāwui tui ngazeka. Shimnarengna khi tuikha mamatuimana; kha āthumna khangazek chiwui eina āna theikhui kaja, zimik mashokrang lakha Athingnaoli sāthat haora da kuphairasai. Kachiwuivāng khala kaja, khayon makhalei shanaoli mik latshokmi laga rekakharek hi shiyan kakaina da āram hangvanaobingna ngazekhairasai. Kala kachiwui vāng eina āmik latshokmi haokhala jilaga, āli tukkhaung yāronaobing china, ‘I ngakumra, I ngakumra’ da ngapai ngarokhaowa ji. Ngapai ngarokta khangama eina āthumwui ngachaili, masamphang khamarao mi ākhana, ngathumda ālatshokmi kahaina, kaji paola ngalālongwui eina kasha samphanga.

Mayār ngalābingna lumlaochān ngazekta shaohā eina pama; kha Shimnarengna kathāda āthut khuisi khala? Kaji māng machukpama. Kala yāmshok yāmzang sākhavai āpong kachishong leikhala da mikningda yangkhui.

Ngayā-uda mi piser kahai eina Shimnarengla kasārvawui shimli ungpi haowa. Kha mapivālāk mana. Kathāda āthut hāngsangra khala kaji chi māng machukthai. Ngayāsailung mi pivarihap kahai eina, kasaikha āwui kazei yonkhui laga ngalālong pikhavai shim chili kazei eina kasupvāda ngalānao magawui ākharok reoshatmiser haowa. Mikkhayip ākhawui ālungli āwui sāki kaji ot kuphaida āna rida yangping kahai, ākhurnao ākha khalei chi eina yāmphutshok haowa.

Yāmda harshāng mashokshungrang lakha āram ngawunlop chapngachārei kahai shai. Athumwui kachap chi shālaga, Athingnaona āwui ningli: Mashoila Ameishimna ngashitkahai āthishurda iwui vāng āthut hāngsangmi hairarada. Kala ringphānā haida laasak eina ngashada pheichak sai. Pheichak sāda ngalongung ngalongvā kasā eina ot ākhali namzada khikhala da khanam kazang eina, khamarika khainao ākha leisai. Khainao hi Ameishimna haikhami lāka da thei. Ana khainao chi lungsenli chizunlaga, Ameishimwui ming singda ākhalatta tophupsang haowa. Mina rekakharek, sipkasā zaikora malai haida chingri eina okathui kānthui haowa.

Hishonga, kathili chapkhangachā, nao shimān haoda phākazat, yanggasheli kharom khavai khangavao, āram katonga ngawunlop maphākhui thuwa. Khamipa chili kharomlu, kharomlu, da yāronaobing kazei singrip laga kharomthuwa. Kha āthum harshāng kashokle Shimnarenga kaphungkha kānthui hairasai. Ngayā meilā shārlaga pheichon kazunkhavā eina kongphei ākhali āngalat haowa. Kachishong vāhao khala da kuimareida phāyanglala matheilāk thuwa. Kongra reirei eina leisadā yāmkhavai pam mathei thuwa.

Aram katonga kuimareida phāthai. Kazing kathang eina yangkā kaje thingrong kahakva ākhawui ātonli yāmngathumsai. Yāronaobingli kākhuilu kaji eina, thingrong haknā haida khipākha makāthei thuwa. Thākha tatek haosa da ngahā ungkhui laga mayār tharuk shinina ngaherda ta kaje, āramshong mapisangla kong makānda pitāhaowa. Shimnarengna safa-raimi sāthui haoda, thingpet ngashada kasaikha makarnap eina ngaleili zangnganingkhui haowa. Kong vāklaida nganiglaga, ‘Nashi khipā khala? Rālu, ini sāra’ da kāngaruka. Kha khipākha mavākhaleng eina, ākharang kapheror phunglaga shimshong unghaowa.

Amuilāvawui vāng mi maga raithit hāngsang haowa da ringphālala, Athingnaowui vāng phaninglaga, thangkha nida Shimnareng ringkaphā masamphang mana.

Lākhashong, ngalānao maga thisang chiwui vāng āram katonga khanangda changachai; kala Shimnarengli āthut makhuikhararwui vang kateokha ningkakatat maningmana. Khayon makhalei shanaoli āmik latmihailaga rekakharek hi makhamashung otna da naoda phaningkhui.

 

Written by Tangkhul Literature Society

From A Journal, The Legacy

Comments

  1. Hello there, I found your website by way of Google whilst looking for a comparable subject, your website got here up, it seems good. I have bookmarked it in my google bookmarks.

  2. I think this is among the most vital information for me. And i’m glad reading your article. But should remark on some general things, The website style is perfect, the articles is really excellent : D. Good job, cheers

  3. Great goods from you, man. I’ve understand your stuff previous to and you’re just extremely wonderful. I actually like what you have acquired here, really like what you are saying and the way in which you say it. You make it enjoyable and you still care for to keep it wise. I cant wait to read far more from you. This is really a tremendous website.

  4. I keep listening to the rumor lecture about receiving free online grant applications so I have been looking around for the best site to get one. Could you tell me please, where could i get some?

  5. whoah this blog is excellent i really like studying your articles. Stay up the great work! You know, lots of persons are hunting round for this information, you could help them greatly.

  6. where is the best site to do a blog,blog tips be grateful. thanks for help. sam i tried get your blog but seems no thread,check it out.

  7. I¡¦m now not certain where you are getting your info, but great topic. I needs to spend some time finding out much more or working out more. Thanks for great info I used to be looking for this info for my mission.

  8. I am now not sure where you’re getting your info, but good topic. I must spend some time learning much more or figuring out more. Thank you for magnificent info I was searching for this information for my mission.

  9. I and my pals ended up reading through the good pointers found on your web page and then instantly got a terrible suspicion I never expressed respect to the site owner for those techniques. All of the young boys ended up as a consequence excited to study them and have certainly been taking pleasure in those things. I appreciate you for genuinely so accommodating and also for picking this sort of ideal useful guides most people are really needing to discover. My very own honest regret for not expressing appreciation to earlier.

  10. As I website possessor I believe the content material here is rattling fantastic , appreciate it for your hard work. You should keep it up forever! Best of luck.

Leave a Reply