Zingkhai Yāron Phungchamli Raithit Hāngkasang

Zingkhai Yāron Phungchamli Raithit Hāngkasang

Zingkhainao rai kapingping tārākha khalei atamli, Zingkhai ayi kasāra akhali Phungchamnaona lungthathaowa.  Chieina Zingkhainaona raithit vāhāngsangda raikui shini khuiya.

‘Khipāna Phungchamnao sāthathao khala?’ da ngathinglaga matheimada, Lungharnaonarada phenhaowa.

Kha ngathing ngathing kachi eina naoda Zingkhainaona sāsāya.  Zingkhaiwui Marān Laa hili zingkhainaowui kazei, sei angachee hungshi kahai kala rikhān khangashei thāyada chāsamsāya.  Rai khuiakha Awungashi kayāngli unghoyam haoda, ung mahon kachieina, Hunphunwo mikpaishihaowada Laa hina sāya.

Marān Laa

O! Zingkhai yāron, i yārakha (2xtimes)

(zingkhai nao kaping ping tārākha khalei atamli)

Phungcham suirāngali o! ari raikui shokrang.

(Zingkhaiwui ayi kasarali phungchamna lungthathaoda, zingkhainaona raithit hāngkasang, raikui shini khuiichi)

O! khikhareng phenshilo. O! Kathi lungharli phena.

(kathe raiko ramheda khamashātna.  Kala aitā khipānara khala Lunghar naona radala)

Ngathing ngathing, O! are Zingkhai na sāya.

Somsai, malei O! ari kāhoyama

(Zingkhai naona raiyuiuda kāhoyama)

I zingkhai kazei. O! are, Sarala longa

(sei angachee amarei hungshi haikha seihe ngasār ngavāra rakho/mi sāzarada hānga)

O! ara, sarala longa; Oh yam, semsem awung kayāng unghoyama.

I zingkhai kazei, O! are rikhān ngasheiya.

(kazei mathā haoda rikhān khangashei thāya)

Iramhungwo O! are, mikrāchotuwa

(Hunphunwo mikpaishi haowa. Raikui Awungana rār kichihaoda)

Ile mikrārong(ili yui shi haowa) chotchairo. O! are mikrārong chotchairo,

O! are ishi vāngana.

 

Written by Tsivyo Kasom

Writer’s Email: tsivyo@gmail.com (The writer is available, if you have any question or concern)

Narrated by Zingthan Zingkhai